«Qairat» futbol klubynyŋ eks-bapkerı Kirill Keker qaitys boldy. Qaraly habardy 1 jeltoqsanda klubtyŋ baspasöz qyzmetı jetkızdı, dep habarlaidy «Adyrna» tılşısı.
«Bügın 46 jasynda «Qairat» FK akademiiasynyŋ jetekşısı Kirill Sergeevich Keker kütpegen jaǧdaida ömırden öttı. Būl — bükıl klub üşın orny tolmas auyr qaiǧy. On jyldan astam uaqyt «Qairat» jüiesınıŋ ajyramas bölıgı bolyp, qazaq futbolynyŋ damu baǧytyn aiqyndauǧa atsalysqan adamnyŋ qazasy bärımızdı tereŋ küizelttı»,-delıngen habarlamada.
Kirill Keker är jyldary «Qairat» klubynyŋ türlı qūrylymynda maŋyzdy qyzmetter atqarǧan. 2022–2024 jyldary sary-qaralardyŋ negızgı komandasyn bas bapker bolyp basqarǧan. 2025 jyly akademiiaǧa jetekşılık etıp, Qazaqstan U-19 qūramasymen bırge jaŋa buyn futbolşylaryn tärbieleuge atsalysqan.
