Almaty qalasynda kämeletke tolmaǧan sottalǧandardy ūstauǧa arnalǧan qylmystyq-atqaru jüiesınıŋ jaŋa mekemesı resmi türde jūmysyn bastady, dep habarlaidy "Adyrna" ūlttyq portaly.
Işkı ıster ministrı Erjan Sadenov nysanǧa baryp, mekemenıŋ jūmys qyzmetımen jäne jasöspırımderge jasalǧan jaǧdailarmen tanysty.
Joba memlekettık-jekemenşık ärıptestık aiasynda jüzege asyrylǧan. Oǧan IIM Qylmystyq-atqaru jüiesı komitetı, Almaty qalasy äkımdıgı jäne jeke kompaniia qatysqan. Memlekettık biudjetten qarajat bölınbegen.
200 orynǧa eseptelgen mekemede sottalǧandarmen jūmys halyqaralyq standarttarǧa sai jürgızıledı. Jasöspırımderge qauıpsız ärı psihologiialyq tūrǧydan qolaily jaǧdai jasalyp, bılım beru men äleumettık beiımdeuge basymdyq berılude.
Sottalǧandar BINOM mektebı men kolledjınde bılım alyp, dänekerleu ısı, tıgın öndırısı, şaştaraz önerı sekıldı sūranysqa ie mamandyqtardy meŋgeredı. Olarmen pedagogter men psihologtar tūraqty jūmys jürgızedı.
Mekeme aumaǧynda kıtaphana men akt zaly, ashana, medisinalyq punkt, futbol alaŋy, basketbol zaly, workout-aimaq, oqu synyptary jäne öndırıstık şeberhanalar bar.
Işkı ıster ministrı Erjan Sadenov būl nysannyŋ aşyluy jasöspırımderdı qaita äleumettendıru jolyndaǧy maŋyzdy qadam ekenın atap öttı. Sondai-aq profilaktikalyq jūmystarǧa, otbasymen jäne bılım beru mekemelerımen bailanys ornatuǧa basymdyq berudıŋ qajettıgın jetkızdı.
Mūndai keşendı qoldau sottalǧandardyŋ bostandyqqa şyqqannan keiın qoǧamǧa beiımdeluıne jäne qūqyqbūzuşylyqtardyŋ aldyn aluǧa baǧyttalǧan.
