Qazaqstan premer-ministrı Oljas Bektenov Özbekstanmen şekarada jük vagondarynyŋ şoǧyrlanuyna jol bergen kompaniia basşylaryn jauapqa tartudy tapsyrdy, dep habarlaidy "Adyrna" ūlttyq portaly.
Bektenov būl tapsyrmany «Qazaqstan temır joly» basqarmasynyŋ töraǧasy Talǧat Aldybergenovke Ükımet otyrysynda berdı. Premer-ministr mäselenı jedel ärı tolyq şeşudıŋ maŋyzdylyǧyn atap öttı.
«Būl jaǧdaiǧa sebep bolǧan kompaniia jetekşılerın jauapqa tartyŋyzdar. Maǧan baiandaŋyzdar», – dedı Oljas Bektenov.
Talǧat Aldybergenov öz kezegınde Qazaqstan men Özbekstannyŋ tiıstı qūrylymdary mäselenı bırlesıp şeşıp jatqanyn habarlady.
«Özbekstanda jedel ştab qūryldy, barlyq uäkılettı organdar täulık boiy jūmys rejimıne köştı», – dedı ol.
Aita keteiık, 6 jeltoqsan künı Qazaqstannyŋ oŋtüstıgınde temırjol baǧytynda ırı keptelıs qalyptasqany turaly habarlanǧan.
Özbekstanǧa bet alǧan 11 myŋnan astam jük vagondarynyŋ basym bölıgı astyq tasymaldaidy. Keibır poiyzdardyŋ kıdırısı 5–6 täulıkten asqan.
