AQŞ-ta belgılı gollivud rejisserı Rob Rainer men onyŋ jūbaiy Mişel Los-Andjeles qalasyndaǧy öz üilerınen ölı küiınde tabyldy. Būl turaly VVS jazdy, dep habarlaidy “Adyrna”.
Qūqyq qorǧau organdary oqiǧany adam öltıru deregı retınde tergep jatyr.
Polisiia men ört söndıru qyzmetı jeksenbı künı tüsten keiın erlı-zaiyptylardyŋ Brentvud audanyndaǧy üiıne şaqyrtu alǧan. Qūzyrly organdardyŋ mälımetınşe, 78 jastaǧy er adam men 68 jastaǧy äiel sol jerde qaitys bolǧan dep tanylǧan. Alaida marqūmdardyŋ aty-jönı men ölımnıŋ naqty män-jaiy äzırge resmi türde jariialanǧan joq.
Qazırgı taŋda eşkım qamauǧa alynbaǧan, küdıktılerdı ızdeu de jürgızılmei otyr. Tergeuge Los-Andjeles polisiia departamentınıŋ kısı öltıru jäne tonau ısterı jönındegı detektivterı kırısken. Polisiia ökılderı jaraqat sipaty men qarudyŋ qoldanylǧan-qoldanylmaǧany turaly aqparat bermedı. Ölım sebebın qalanyŋ koronerlık qyzmetı anyqtaidy.
Rob Rainer – «Hanşaiym-qalyŋdyq», «This Is Spinal Tap», «Garri Sallimen kezdeskende», «Mizeri», «Bırneşe jaqsy jıgıt» sekıldı älemdık kino klassikasyna ainalǧan filmderdıŋ rejisserı. Ol sondai-aq Castle Rock Entertainment prodiuserlık kompaniiasynyŋ negızın qalauşylardyŋ bırı.
Kaliforniia gubernatory Gevin Niusom rejisserdıŋ qazasyna bailanysty köŋıl aityp, Rainerdı «ülken jürektı, danyşpan adam» dep atady. Onyŋ aituynşa, rejisserdıŋ şyǧarmaşylyǧy men qoǧamdyq qyzmetı amerikalyq mädenietke tereŋ äser ettı.
Tergeu jalǧasyp jatyr. Qūqyq qorǧau organdary aldaǧy uaqytta qosymşa aqparat berıletının mälımdedı.
