Memleket basşysy Qasym-Jomart Toqaevtyŋ Japoniiaǧa alǧaşqy resmi sapary İmperator Naruhitomen kezdesuden bastaldy, dep habarlaidy «Adyrna» tılşısı Aqordaǧa sılteme jasap.
Prezident qonaqjailyq tanytqany üşın Japoniia İmperatoryna rizaşylyǧyn bıldırdı.
Memleket basşysy Qazaqstan halqy Künşyǧys elınıŋ tärtıbı men tabandylyǧyn äuelden ülgı tūtatynyn atap öttı. Sondai-aq ekı eldı özara qūrmet pen türlı saladaǧy tabysty yqpaldastyqqa negızdelgen baiyrǧy dostyq qatynastar bırıktıretının jetkızdı.
İmperator Naruhito prezident Qasym-Jomart Toqaevtyŋ sapary Japoniia men Qazaqstan arasyndaǧy bailanys tarihynda eleulı uaqiǧa retınde qalatynyn jäne ekıjaqty qarym-qatynasty jaŋa deŋgeige şyǧaratynyn aitty.
Memleket basşysy men İmperator özara yntymaqtastyq mäselelerı jäne halyqaralyq kün tärtıbı jönınde pıkır almasty.
