Qazaqstannyŋ eks-prezidentı Nūrsūltan Nazarbaev pen Resei prezidentı Vladimir Putin kezdestı. Saiasi tūlǧalardyŋ kezektı basqosuy Mäskeudegı Kreml saraiynda öttı, dep habarlaidy “Adyrna”.
Resei basşysynyŋ baspasöz qyzmetı jariialaǧan beinejazbada qos saiasatkerdıŋ döŋgelek üstel basynda jaiǧasqany körsetılgen. Resmi habarlamada kezdesudıŋ naqty kün tärtıbı men talqylanǧan mäseleler turaly keŋınen aqparat berılmegen. Habarlamada tek jüzdeskenı jaily jazylǧan.
“Mūndai dastarqan basyndaǧy kezdesu – ülken senım men öte jaqsy qarym-qatynastyŋ belgısı. Būǧan deiın mūndai qūrmetke QHR töraǧasy Si Szinpin men Belarus prezidentı Aleksandr Lukaşenko ie bolǧan”, – dep jazdy TASS.
Aita keteiık, Nūrsūltan Nazarbaev 2019 jyly prezidenttıkten ketken soŋ jyl saiyn bır-ekı märte Vladimir Putinge tūraqty türde baryp tūrady. Olardyŋ soŋǧy kezdesuı 2025 jylǧy 29 mamyrda ötken.
