Astanada Reseı týynyń túsi Ýkraına týynyń túsine ózgergenin «kabeldiń tuıyqtalýy» arqyly túsindirildi, dep habarlaıdy "Adyrna" ulttyq portaly KazTAG-qa silteme jasap.
«16:30-da "Kerýen Medıa" LED ekranynda Reseı týynyń joǵarǵy segmentindegi kabel tuıyqtalyp, aq tús óship qaldy. Sonyń nátıjesinde elektr júktemesinde tús tonaldyǵy ózgerip, túsi jarqyrap ketti. Osylaısha, uıaly telefonmen túsirilgen beınejazbada, kórneki baılanys kezinde qyzyl tús sary bolyp kórindi», — dep málimdedi «Kerýen Medıa» tehnıkalyq bóliminiń dırektorynyń orynbasary Muhtar Bekbosynov.
Buǵan deıin áleýmettik jelilerde «Astana Opera» teatrynda ornalasqan dıspleıdegi vıdeoda tý, Ýkraına týynyń dástúrli sary-kók túsinde bolǵany týraly vıdeo taraǵan bolatyn. Sondaı-aq, vıdeoda ekrandy hakerlerdiń buzǵany týraly aıtylǵan.
