Memlekettık quyrşaq teatryna jaŋa jyl qarsaŋynda erekşe kütımdı qajet etetın balalar men köpbalaly, az qamtylǧan otbasylardyŋ balalaryna arnalǧan qaiyrymdylyq spektaklınıŋ körsetılımı öttı.
Qaiyrymdylyq aksiiasy aiasynda jas körermenderge arnalǧan «Multi Jaŋa jyl» atty merekelık baǧdarlama ūsynyldy.
Baǧdarlama barysynda balǧyn büldırşınder multǧalamǧa qyzyqty saiahat jasap, Aiaz ata, Aqşaqar, Naruto, Pikachu, Stich, Kiki syndy süiıktı keiıpkerlerımen bırge interaktivtı oiyndar men sahnalyq körınısterge qatysu mümkındıgıne ie boldy. Sonymen qatar, körermender nazaryna «Etık kigen mysyq» spektaklı ūsynyldy.
Atalǧan şaranyŋ basty maqsaty – balalardy teatr önerımen jaqyn tanystyryp, jaŋa jyl qarsaŋynda merekelık köŋıl küi men jaǧymdy emosiia syilau.
Qaiyrymdylyq aksiiasy «Zere», «Kümıs ǧasyr», «Aiala», «Senım», «Ana tılegı», «Erekşe Taŋdau Şelek» äleumettık ortalyqtary men qorlarynyŋ qoldauymen öttı. Is-şara aiasynda balalar merekelık baǧdarlamany tamaşalap qana qoimai, «Dizzi» kompaniiasynyŋ demeuşılıgımen ūsynylǧan «Riksamin C Vitamin» susyndaryn syiǧa aldy.
«Balalardyŋ öner men merekelık atmosferany sezınuı – teatrdyŋ maŋyzdy äleumettık mındetterınıŋ bırı. Osyndai şaralar arqyly bız olardyŋ jüregıne quanyş syilauǧa tyrysamyz», – dedı Almaty qalasynyŋ Memlekettık quyrşaq teatrynyŋ direktory Almat Amangeldı.
Aita keteiık, Memlekettık quyrşaq teatryndaǧy jaŋa jyldyq spektakl men merekelık baǧdarlamalar 18 jeltoqsannan bastap 4 qaŋtarǧa deiın körermender nazaryna ūsynylady.
