İranda soŋǧy üş jyldaǧy eŋ auqymdy bilıkke qarsy jappai narazylyq aksiialary ekı aptadan berı jalǧasyp keledı, dep habarlaidy "Adyrna" ūlttyq portaly VVS-ge sıltep.
İnternettıŋ öşırıluıne jäne qauıpsızdık küşterınıŋ qataŋ äreketterıne qaramastan, senbıge qaraǧan tünı tūrǧyndar qaitadan Tegeran men özge de qalalardyŋ köşelerıne şyqty.
Human Rights Activist News Agency qūqyq qorǧau ūiymynyŋ mälımetınşe, narazylyqtar barysynda şamamen 50 şeruşı men 15 qauıpsızdık qyzmetkerı qaza tapqan, al 2311 adam ūstalǧan. Būl derekterdı Iran Human Rights ūiymy da rastap otyr. Ūiym qaza tapqandardyŋ arasynda toǧyz balanyŋ baryn habarlady.
BBC Persian qyzmetı kemınde 22 adamnyŋ qaza tapqanyn naqtylap, olardyŋ otbasylarymen tıldesken.
Medisina salasyndaǧy jaǧdai da kürdelı. Sputniktık Starlink internetı arqyly BBC-ge habarlasqan därıgerdıŋ aituynşa, Tegerandaǧy negızgı oftalmologiialyq ortalyq sanalatyn Farabi auruhanasy daǧdarys rejimıne köşken. Jedel järdem qyzmetterı şamadan tys jüktelıp, barlyq josparly operasiialar toqtatylǧan. Osyndai jaǧdai İrannyŋ oŋtüstık-batysyndaǧy Şiraz qalasynda da tırkelgen, onda jaralanǧandar sanynyŋ köptıgınen hirurgter jetıspei jatyr.
Narazylyq tolqyny aiasynda İrannyŋ soŋǧy şahynyŋ ūly Reza Pehlevi şeruşılerdı qalalardyŋ ortalyqtaryn basyp alyp, ūstap tūruǧa şaqyrdy. AQŞ-ta jürgen saiasatker äleumettık jelıdegı ündeuınde «ūlttyq revoliusiia jeŋıske jetken kezde İranǧa oraluǧa daiyn ekenın» mälımdedı. Köptegen şeruşıler onyŋ esımın ūran retınde aityp jür.
Sonymen qatar İran bilıgı jaǧdaidyŋ uşyǧuyna AQŞ-ty aiyptady. İrannyŋ BŪŪ-daǧy tūraqty ökılı Vaşingtondy eldıŋ ışkı ısıne aralasyp, tūraqsyzdyq pen zorlyq-zombylyqty qozdyruda dep mälımdedı. Al AQŞ Memlekettık departamentı būl aiyptaulardy «şyndyqtan alşaq» dep atady.
