Qazaqstandyq tanymal bloger Qaisar Qamzaǧa ızdeu salyndy. Tiıstı aqparat Qūqyqtyq statistika jäne arnaiy esepke alu organdarynyŋ portalynda jariialanǧan, dep habarlaidy “Adyrna”.
1995 jylǧy 18 qyrküiekte tuǧan Qamza Qaisar Baqytjanūly 10 qaŋtardan berı ızdestırılude. Izdeu şaralaryn Qarjylyq monitoring agenttıgınıŋ Astana boiynşa ekonomikalyq tergep-tekseru departamentı jürgızıp jatyr.
Qazırgı uaqytta ıs boiynşa basqa aqparat jariialanbady.
Aita keteiık, blogerdıŋ Instagram-da 2,6 millionnan astam, al TikTok-ta 340 myŋnan astam oqyrmany bar. Ol kontentınıŋ köpşılıgın özge elderde jürıp jariialaidy. Qaisar Qamza özın trevel-bloger retınde tanystyrady, sondai-aq otandyq filmderge de tüsken.
Būǧan deiın äleumettık jelılerde onyŋ Ündıstandaǧy sapary kezınde tüsırılgen videolary qyzu talqyǧa tüsken edı. Kadrlarda blogerdıŋ beiädep sözder aitqany jäne jergılıktı tūrǧyndarǧa dörekılık körsetkenı baiqalyp, pıkırtalas tudyrǧan.
Sonymen qatar Qaisar Qamzanyŋ esımı būǧan deiın Qarjylyq monitoring agenttıgı taratqan habarlamada da atalǧan.
