Kaspi.kz basty röldı Rüstem Omarov somdaǧan tanymal qazaqstandyq «Alaiaqtar» telehikaiasynyŋ ekınşı mausymyna demeuşı boldy. Joba naqty alaiaqtyq shemalarǧa negızdelgen jäne maŋyzdy äleumettık missiiany atqarady: körermenderge qaskünemderdıŋ aila-amaldaryn tanuǧa kömektesedı, elımızde jäne öŋırımızde qarjylyq qauıpsızdık mädenietın qalyptastyrady.
Jaŋa mausymnyŋ alǧaşqy tört seriiasyn 15 qaŋtardan bastap Unico Play jäne Start platformasynan köruge bolady.
"Alaiaqtar" - äleumettık maŋyzy bar telehikaia.
«Alaiaqtar» - būl jai ǧana qylmystyq triller emes. Serial soŋǧy jyldary eŋ köp talqylanatyn jäne tanymal jobalardyŋ bırıne ainaldy. Onda alaiaqtyq «ışınen» qylmyskerlerdıŋ közımen körsetılgen, onyŋ arqasynda auditoriia alaiaqtyq mehanizmderı men onyŋ qandai saldary bolatynyn bıledı. Mūndai şynaiylyq telehikaianyŋ tanymal boluyn qamtamasyz etıp, mädeni rezonans tudyrdy.
Kaspi.kz-tıŋ äleumettık-bılım beru jobasy.
Kaspi.kz «Alaiaqtardyŋ» bırınşı mausymynyŋ sättı şyqqanynan şabyt alyp, B.A.S. Production studiiasymen bırlesıp QR Qarjy naryǧyn retteu jäne damytu agenttıgınıŋ (QNRDA) qoldauymen 2025 jyly alaiaqtyqqa qarsy ıs-qimyl boiynşa auqymdy äleumettık-bılım beru jobasyn ıske qosty.
Onyŋ aiasynda qysqa oqytu beinerolikterı tüsırıldı, qaskünemderdıŋ adamdarǧa qūpiia kodtardy aldap aitqyzyp, aqşany belgısız şottarǧa audaruǧa qalai mäjbürleitının telehikaianyŋ akterlerı aiqyn körsetedı. Barlyq ssenarii şynaiy oqiǧalarǧa negızdelgen.
Bır jyldyŋ ışınde Qazaqstanda jäne odan tys jerde alaiaqtyqtyŋ eŋ keŋ taraǧan shemalary turaly 19 rolik jaryq kördı. Qamtu auqymy kütken nätijeden äldeqaida asyp tüstı: elımızdıŋ jetekşı telearnalary epizodtardy jalpy alǧanda 2500-den asa körsettı, äleumettık jelılerdegı Kaspi.kz-tıŋ resmi paraqşalarynda rolikter 190 mln astam ret qaraldy, al mobildı qosymşa arqyly klientterge beinerolikke sılteme körsetılgen36 million habarlama jıberıldı. Būl elımızdı qamtyǧan eŋ auqymdy jobalardyŋ bırı boldy.
Kaspi.kz sondai-aq alaiaqtyq äreketterge qatysty aryzdardyŋ sany bes esege azaiǧanyn atap öttı, būl adamdarǧa şyn mänınde naqty paida äkelgenın aiqyn körsettı.
Osylaişa, Kaspi.kz jobasy kompaniianyŋ klientterımen jūmys ısteumen ǧana şektelmei, qoǧamnyŋ qauıpsızdıgın arttyruǧa aitarlyqtai üles qosty.
Kaspi.kz basşysy ärı negızın qalauşylardyŋ bırı Mihail Lomtadze:
«Bız servisterımızdı adamdar üşın būrynǧydan da yŋǧaily, paidaly bolatyndai ünemı damytyp otyramyz. Süiıktı klientterımızdı qorǧau üşın eŋ zamanaui tehnologiialardy qoldanamyz jäne qauıpsızdık jüiesın de ünemı jetıldırıp otyramyz. Būl rette jeke derekterdı eşkımge habarlauǧa, mobildı qosymşaǧa kıruge rūqsat beruge, qūpiia parolder men SMS- tegı kodtardy aituǧa bolmaitynyn ünemı eskertıp otyramyz.
Qasköilerdıŋ senımge qalai kıretının körnekı türde körsetıp, mümkındıgınşe köp adamnyŋ qauıpsızdıgın qamtamasyz etuge kömektesu üşın bılım beru rolikterınıŋ toptamasyn şyǧardyq, sondai-aq «Alaiaqtar» telehikaiasynyŋ ekınşı mausymyna qoldau körsettık.
Qaralymnyŋ köŋılderıŋızden şyǧuyn tıleimın jäne taǧy da eske sala ketkım keledı — saq bolyŋyzdar, qūpiia derekterıŋızdı eşkımge bermeŋızder!»
Rüstem Omarov, akter, basty röldı somdauşy:
«Kaspi.kz-pen bırge ülken jobany ıske asyrdyq. Jūmysymyz jemıstı boldy. Kaspi.kz, IIM, prokuratura, QNRDA kömektesıp, şynaiy alaiaqtyq jaǧdailar turaly aityp berdı. Qatysuşylardyŋ bärı mūnyŋ kürdelı äleumettık mäsele ekenın tüsıngendıkten, barynşa berılıp eŋbek ettı. Bız tüsırgen beinerolikter adamdardyŋ köŋılınen şyǧyp, milliondaǧan qaralym jinady. Eŋ bastysy, naqty nätije bar.
Aldaǧy uaqytta da adamdar barynşa saq bolu üşın olarǧa alaiaqtyq shemalar turaly aityp otyramyz».
Kaspi.kz adamdarǧa qaskünemderdıŋ aila-amalyn qalai tanu kerektıgın tüsındırıp qana qoimai, özınıŋ qauıpsızdık jüiesın de ünemı jetıldırıp otyrady. Mäselen, 2025 jyly kompaniia 24 milliard teŋgeden astam somaǧa 330 myŋ alaiaqtyq tranzaksiianyŋ aldyn aldy, sonyŋ arqasynda myŋdaǧan klient öz qarajatyn saqtap qaldy.
Alaiaqtardan qalai qorǧanu kerek
• qūpiiasözderdı, PIN-kodtar men qūpiia SMS-kodtardy eşkımge aitpaŋyz.
• äŋgımelesuşı özın qalai tanystyrsa da, eşqaşan belgısız şottarǧa nemese nömırlerge aqşa audarmaŋyz.
• alaiaqtyqqa küdıgıŋız bolsa, keŋes pen kömek alu üşın bırden öz bankıŋızge habarlasyŋyz
Kaspi.kz turaly
Kaspi.kz missiiasy – klientter men serıktesterdıŋ ömırın jaqsartatyn innovasiialyq önımder men qyzmetter jasau. İnnovasiialardyŋ ortalyǧynda – eldegı eŋ tanymal mobildı superqosymşa Kaspi.kz. Ony şamamen 15 millionǧa juyq qazaqstandyq paidalanady, ol eldegı elektrondy sauda, tölem jäne qarjylyq jetekşı servisterdı qamtidy.
Kaspi.kz superqosymşasy arqyly qazaqstandyqtar tegın jetkızu qyzmetı bar tiımdı onlain zat satyp alyp, komissiiasyz tölemder men audarymdar jasaidy, jeke qarjylaryn basqarady, äue jäne temırjol biletterın satyp alady, turlar räsımdeidı jäne eŋ tanymal memlekettık qyzmetterdı paidalanady.
Kaspi.kz biznes üşın de Kaspi Pay superqosymşasyn äzırledı, ony Qazaqstandaǧy şamamen 700 myŋǧa juyq käsıpker paidalanady. Kaspi Pay arqyly käsıpkerler biznesın damytuǧa qarjylandyru alady, tölem qabyldaidy, jarnamalyq nauqandar jürgızedı, salyq töleidı, elektrondyq sauda jäne jetkızu platformasyna qosylady, onyŋ kömegımen tauarlaryn bükıl el aumaǧynda satady.
Garvard Biznes mektebı Kaspi.kz turaly ekı oqu materialyn äzırledı, ony bırneşe jyldan berı magistratura studentterı oqyp keledı.
