«Barys» demalys ortalyǧynyŋ tärbielenuşısı İzbakiev Timur jasöspırımder arasyndaǧy ASKHATOV OPEN dziudo turnirınde kümıs jüldege ie boldy, - dep habarlaidy "Adyrna" ūlttyq portaly.
Atalǧan jarys üzdık jas sportşylardyŋ basyn qosyp, qatysuşylar joǧary daiyndyq deŋgeiın, sporttyq şeberlıgın jäne jeŋıske degen ūmtylysyn körsettı. Timur İzbakiev bırqatar beldesulerdı senımdı ötkızıp, tehnikalyq daiyndyǧy men erık-jıgerın tanyta otyryp, finalǧa joldama alyp, ekınşı orynǧa tūraqtady.
Aita keteiık, bügınde Almaty qalasynda şamamen 100 demalys ortalyǧy jūmys ısteidı. Būl ortalyqtarda balalar men jastar üşın sport, şyǧarmaşylyq, IT, ǧylym jäne tūlǧalyq damu baǧyttary boiynşa tegın üiırmeler men seksiialar ūiymdastyrylǧan. Demalys ortalyqtary jastardyŋ özın-özı damytuyna qolaily orta qalyptastyryp, qabıletterın aşuǧa jäne belsendı ömırlık ūstanymyn qalyptastyruǧa yqpal etedı.
Demalys ortalyqtary jobasy Almaty qalasy Jastar saiasaty basqarmasynyŋ qoldauymen jüzege asyrylyp, balalar men jastardyŋ jan-jaqty damuyna jaǧdai jasauǧa, sondai-aq salauatty ömır saltyn nasihattauǧa baǧyttalǧan.
