Donald Tramp beisenbı künı AQŞ prezidentı retınde jasaǧan mälımdemesınde Resei prezidentı Vladimir Putinnıŋ Kievke bır apta boiy soqqy jasamauǧa kelıskenın aitty. Al taŋerteŋ Kiev qalasy men oblysyndaǧy nysandarǧa, sondai-aq Ukrainadaǧy infraqūrylym obektılerıne soqqy jasamau turaly moratorii jönınde blogerler jazǧan. Kreml būl aqparatty äzırge rastai almaitynyn mälımdedı. Būl turaly VVS jazdyǧ dep habarlaidy "Adyrna".
«Qatty suyqqa bailanysty – olarda da, bızde de jaǧdai ūqsas. Men prezident Putinnen erekşe suyq kezde bır apta boiy Kiev pen basqa qalalarǧa ot atqylamaudy jeke özım ötındım», - dedı Tramp Aq üide äkımşılık müşelerımen kezdesude.
«Ol būǧan kelıstı. Būl öte jaqsy qadam boldy dep aita alamyn», - dep qosty AQŞ prezidentı.
Mäskeu būl mälımdemelerge äzırge resmi pıkır bıldırgen joq.
Taŋerteŋ yqtimal moratorii turaly aqparat blogerler men telegram-arnalarda tarady. Būl jönınde reseilık te, ukrainalyq ta arnalar jazǧan. Alǧaşqylardyŋ bırı bolyp reseilık bloger Vladimir Romanov jazyp, özıne kelgen habarlamanyŋ skrinşotyn jariialaǧan.
Onyŋ aituynşa, beisenbı künı taŋǧy saǧat 7:00-den bastap Kiev pen Kiev oblysyndaǧy kez kelgen nysanǧa, sondai-aq Ukraina aumaǧyndaǧy infraqūrylym obektılerıne soqqy jasauǧa «tyiym salynǧany» turaly aqparat tüsken.
Keiın ol taǧy bır habarlamany keltırdı. Onda reseilık äskerilerge Kiev pen onyŋ oblysyndaǧy nysandarǧa soqqy bermeu, al bükıl Ukraina aumaǧynda energetikalyq infraqūrylymǧa (elektr qosalqy stansiialary, JEO, GES, gaz qoimalary, mūnai bazalary jäne janarmai saqtau oryndary) 28 qaŋtardan bastap «arnaiy būiryqqa deiın» soqqy jasamau turaly pärmen berılgenı aitylǧan.
Blogerdıŋ jazuynşa, beiresmi ışkı aqparatta būl şekteu şamamen 3 aqpanǧa deiın sozyluy mümkın ekenı de aitylǧan.
