Reseide jasaluy mümkın dep aitylyp jürgen MiG-41 äskeri ūşaǧy resmi sipattamalar boiynşa amerikalyq altynşy buyn joiǧyşy – F-47 modelınen de joǧary körsetkışke ie boluy yqtimal. Alaida sarapşylar būl joba äzırge tek közboiauşylyq boluy mümkın ekenın aitady. Būl turaly amerikalyq 19FortyFive jurnalyna şolu jasaǧan sarapşy Harrison Kass jazǧanyn «Adyrna» habarlaidy.
Şoluşynyŋ mälımetınşe, resmi derekterde MiG-41 MiG-31 ūşaǧynyŋ jaŋa buyndaǧy jalǧasy retınde sipattalady. Joba boiynşa ūşaq:
- 4–5 Mah jyldamdyqqa jetuı mümkın;
- ǧaryşqa jaqyn biıktıkte ūşa alady;
- giperdybystyq zymyrandardy ūstap qaluǧa beiımdeluı yqtimal.
Sarapşy būl tūjyrymdama Reseidıŋ aumaqtyq jäne geografiialyq erekşelıkterıne säikes keletının atap ötedı. Degenmen, qazırgı jaǧdaida MiG-41 naqty öndırıstık jobaǧa qaraǧanda strategiialyq mälımdeme nemese tehnologiialyq niettı bıldıretın signalǧa köbırek ūqsaidy.
Avtordyŋ pıkırınşe, jobanyŋ ıske asuyna kedergı bolatyn negızgı mäsele – asa joǧary jüktemede jūmys ısteitın jaŋa buyn qozǧaltqyşyn jasau. Mūndai tehnologiiany äzırleuge ondaǧan jyl qajet boluy mümkın.
Qorytyndysynda sarapşy MiG-41 jaqyn uaqytta daiyn äskeri ūşaq retınde paida bolady deu qiyn ekenın aitady. Ol būl jobany Reseidıŋ bolaşaqqa arnalǧan tehnologiialyq maqsaty retınde baǧalap, äzırge tym baiypty qabyldamauǧa şaqyrady.
