Memlekettık keŋesşı Erlan Qarin qoldanystaǧy Konstitusiianyŋ qazaqşa redaksiiasyndaǧy kalka ūǧymdardy atady.
-1995 jyly qabyldanǧan Konstitusiiada kezdesetın öreskel qateler, ärtürlı qūqyqtyq şeşımderge jeteleitın terminder men tırkester anyqtaldy. Mysaly, qazırgı Konstitusiiada «Memlekettık Gimn» dep jazylǧan. Mūny köpşılık «Memlekettık Änūran» dep qoldanady. Komissiia müşelerı Konstitusiia jobasyna «Memlekettık Änūran» dep engızudı ūsyndy. «Änūran» – tılımızge äbden engen söz ärı maǧynany tolyq beredı. Sol sekıldı, «äskerilendırılgen qūramalar qūruǧa» sözı «äskerilendırılgen jasaqtar qūruǧa» dep özgertıldı. «Qūrama» sözı qazır mülde basqa maǧynada qoldanylady. «Jasaq» sözı normanyŋ mänın tolyq aşyp tūr, - dedı ol.
Sondai-aq, qoldanystaǧy Konstitusiiada «Sailau taǧaiyndaidy» degen sözdıŋ de zaŋ tılındegı maǧynasyna nazar audarylǧanyn aitty.
-Sailau taǧaiyndalmaidy, dūrysy – «sailau ötkızu turaly şeşım qabyldanady». Osy jaǧdai da eskerıldı. 1995 jyly qabyldanǧan Ata Zaŋda «azamattarǧa keşırım jasaudy jüzege asyrady» degen söilem bar. Kalka audarma ekenı bırden baiqalyp tūr. Sondyqtan, ony «keşırım beru turaly şeşım qabyldaidy» dep özgertu ūsynyldy. «Tübegeilı prinsipter» degen tırkes «Negız qūrauşy qaǧidattar» dep alyndy. Mūndai mysaldar öte köp. Bärın aityp şyǧu mümkın emes, - dedı Erlan Qarin.
