Konstitusiialyq Sot töraǧasynyŋ orynbasary Baqyt Nūrmūhanov jaŋa Konstitusiia jobasyn jetıldıru barysy men jalpyhalyqtyq talqylau nätijesınde engızılgen negızgı özgerıster turaly aityp berdı.
Onyŋ aituynşa, jaŋa Konstitusiia jobasy jariialanǧan sätten bastap ärtürlı arnalar arqyly 4 myŋnan astam ūsynys kelıp tüsken. Baqyt Nūrmūhanov atap ötkendei, Konstitusiialyq komissiia barlyq ūsynystar, pıkırler men eskertulerdı mūqiiat zerdelep jatyr.
«Taldau körsetkendei, olardyŋ bırqatary nazar audaruǧa tūrarlyq jäne baptardyŋ mazmūnyn tolyqtyrady, kepıldıkterdı küşeitedı, qūqyqtyq normalardyŋ tūjyrymdamasyn jaqsartady, sondai-aq aiqyndyq pen qūqyqtyq naqtylyqty arttyrady», – dedı Baqyt Nūrmūhanov Konstitusiialyq komissiianyŋ kezektı otyrysynda.
Dälırek aitqanda, teŋgenı ūlttyq valiuta retınde konstitusiialyq tūrǧyda bekıtu ūsynysyn jüzege asyru üşın 2-bap jaŋa tarmaqpen tolyqtyryldy. Qazaqstan Respublikasynyŋ ūlttyq valiutasy (aqşa bırlıgı) – teŋge. Teŋgenı emissiialaudyŋ airyqşa qūqyǧy Qazaqstan Respublikasyna tiesılı. Spikerdıŋ aituynşa, azamattardyŋ ötınışterınde de osyndai ūsynystar bolǧan.
Būl baptyŋ 6-tarmaǧy 7-tarmaq bolyp özgertılıp, joba redaksiiasynda mynadai mazmūnda saqtalady: «Qazaqstan Respublikasynyŋ Egemendıgı, Täuelsızdıgı, unitarlyǧy, aumaqtyq tūtastyǧy men basqaru ülgısı özgermeidı».
«6-bapta memlekettık organda saiasi partiia ūiymyn qūruǧa jol berılmeitını turaly normany 1-tarmaqtan 2-tarmaqqa özgerıssız auystyru ūsynylyp otyr. Būl norma atalǧan baptyŋ 2-tarmaǧynyŋ erejelerın logikalyq tūrǧydan tolyqtyrady, onda memlekettıŋ qoǧamdyq bırlestık ısıne, al qoǧamdyq bırlestıktıŋ memleket ısıne zaŋsyz aralasuyna jäne qoǧamdyq bırlestıkke memlekettık organ funksiialaryn jükteuge jol berılmeitını jazylǧan», - dep habarlady Baqyt Nūrmūhanov.
Konstitusiia jobasynyŋ azamattyq mäselelerıne arnalǧan 12-baby da naqtylaudy qajet etedı degen ūsynystar aityluda. Atap aitqanda, 3-tarmaqqa Qazaqstan Respublikasynyŋ azamaty qos azamattyqqa nemese köp azamattyqqa ie bola almaityny, al özge azamattyqtyŋ boluy zaŋda körsetılgen tärtıp pen şarttarǧa säikes, Qazaqstan Respublikasynyŋ azamattyǧyn toqtatuǧa negız bolatyny turaly norma engızıledı.
Engızılgen ūsynystar ışınde Konstitusiiada ärbır adamnyŋ memlekettık bilık organdary men olardyŋ qyzmetşılerınıŋ zaŋsyz äreketterı saldarynan kelgen zalaldyŋ ötemın aluǧa qūqyǧyn bekıtu de erekşe qyzyǧuşylyq tudyrǧan.
«Qylmystyq-prosestık kodekste qylmystyq prosestı jürgızetın organnyŋ zaŋsyz äreketterınen keltırılgen zalaldy öteu tärtıbın retteitın 4-tarau qarastyrylǧan. Ondaǧy erejelerge säikes, zaŋsyz ūstau, qamauda ūstau, üiqamaqqa alu, qyzmetınen uaqytşa şettetu, arnauly medisinalyq ūiymǧa ornalastyru, sottau, medisinalyq sipattaǧy mäjbürleu şaralaryn qoldanu saldarynan keltırılgen zalal qylmystyq prosestı jürgızetın organnyŋ kınäsıne qaramastan tolyq kölemde biudjet qarajaty esebınen öteledı», – dep atap öttı spiker.
Sonymen bırge, ol Konstitusiia jobasynyŋ 18-baby naqtylanǧanyn aitty. Jaŋa redaksiiaǧa säikes, sot şeşımınsız adamdy zaŋda közdelgen merzımderden artyq ūstauǧa bolmaidy. Söz soŋynda Baqyt Nūrmūhanov jaŋa Konstitusiia jobasyn jetıldıru jūmystary jalǧasyp jatqanyn jetkızdı.
