Qyrǧyzstan parlamentınıŋ spikerı Nūrlanbek Tūrǧynbekūly beisenbı künı ötken otyrysta otstavkaǧa ketetının mälımdedı, dep habarlaidy «Adyrna» tılşısı.
«Elde bolǧan saiasi oqiǧalarǧa bailanysty men bır nemese ekı adamǧa qyzmet etpeitınımdı aitqym keledı. Men halyqqa, memleketke jäne parlamentke qyzmet etemın. Öz erkımmen qyzmetten ketu turaly şeşım qabyldadym. Būl — syrtqy qysymsyz qabyldanǧan jeke şeşımım»,- dedı ol.
Spikerdıŋ otstavkasy turaly mäsele Qyrǧyzstan Ūlttyq qauıpsızdık memlekettık komitetınıŋ basşysy Qamşybek Täşiev qyzmetten bosatylǧan sätten bastap talqylanyp kelgen. Alaida parlamentte būl aqparat joqqa şyǧarylǧan edı.
Nūrlanbek Tūrǧynbekūly VIII şaqyrylym parlamentınıŋ töraǧasy bolyp 2025 jylǧy 17 jeltoqsanda sailanǧan. Būǧan deiıngı şaqyrylymda da ol eldıŋ zaŋ şyǧaru organyn basqarǧan.
Aita keteiık, būǧan deiın Sadyr Japarov Qyrǧyzstan ŪQMK töraǧasy Qamşybek Täşievtı jäne onyŋ üş orynbasaryn qyzmetten bosatqan bolatyn. Prezident būl şeşımın memleket bırlıgın nyǧaityp, qoǧamdaǧy alauyzdyqqa jol bermeu qajettılıgımen tüsındırdı.
ŪQMK töraǧasynyŋ mındetın uaqytşa atqaruşy bolyp Jūmǧalbek Şabdanbekov taǧaiyndaldy.
