Qyrǧyzstan prezidentı Sadyr Japarov Halyq qūryltaiynyŋ delegattaryn tudy özgertu bastamasyn qoldauǧa şaqyrdy, dep habarlaidy "Adyrna" ūlttyq portaly.
Bışkekte memleket basşysynyŋ qatysuymen ötken ekı künge sozylǧan ekınşı Halyq qūryltaiy aiaqtaldy. Jūmysty qorytyndylaǧan prezident memlekettık tudy özgertu bastamasy özıne tiesılı ekenın aitty.
Degenmen memlekettık rämızdı özgertu mäselenı qarau onyŋ qūzyretıne kırmeitındıkten, ol Jogorku Keneş spikerı Nūrlanbek Şäkievke jügınıp, tu avtorlarymen talqylau jürgızudı sūraǧan.
Sadyr Japarovtyŋ sözınşe, şeteldıkter Qyrǧyzstan tuynda beinelengen şaŋyraq pen kün säulelerın künbaǧyspen salystyryp, dūrys tüsınbeuı sebep bolǧan.
Aita keteiık, 29 qaraşada parlament zaŋ jobasyn bırınşı oqylymda maqūldaǧan bolatyn. 66 deputat qoldaitynyn aityp, oŋ dauys berse, al 8 -ı qarsy. Būl özgerıske qatysty eldıŋ ŪQK töraǧasy Qamşybek Täşiev te öz pıkırın aitqan:Jūmys sapary aiasynda men 30-ǧa juyq elge bardym. Şeteldık delegattarmen kezdesulerde menen tu turaly bes ret sūralǧan şyǧar. "Olar sızdıŋ respublikaŋyzdyŋ basymdyǧy nede deidı? Sız agrarlyq respublikasyz ba?" dep jiı sūraidy. Tudy özgertuge ülken qarjylyq şyǧyndar talap etılmeidı. Tölqūjattar men kölık nömırlerın özgertudıŋ qajetı joq, olardyŋ jaramdylyq merzımı bıtken saiyn bırtındep auystyrylady. Eŋ aldymen elşılıkter men diplomatiialyq ökıldıkterde, keiın ministrlıkter men vedomstvolarda tular auystyrylady. Būl köp aqşany qajet etpeidı. Parlament spikerınıŋ aituynşa, būl şyǧyndardy demeuşıler ötei alady. Bastapqy şyǧyndarǧa jeke qarajat böluge daiynmyn. Bügın osy bastamany, äsırese jastardyŋ qoldau körsetulerın sūraimyn. Bız tolyq özgertudı ūsynbaimyz, tek tuymyzdy jaqsartqymyz keledı, - dedı Sadyr Japarov.
"Tu künbaǧysqa ūqsamauy kerek, bıraq jarqyraǧan künnıŋ beinesın beruı kerek", - dedı.Qyrǧyzstanda tudy özgertu turaly pıkırtalastar älı künge deiın jalǧasyp jatyr. Äleumettık jelılerde #tuözgermesın heştegımen türlı jazbalar, fleşmob ūiymmdastyryluda.
Ūqsas jaŋalyqtar
Qyrǧyzstanda 20 jasqa tolmaǧan qyzdarǧa küieusız nemese ata-anasyz elden şyǧuǧa tyiym salu ūsynylady
