Qazaqstannyŋ mädeni bıregeilıgın älemge tanytatyn maŋyzdy qadam retınde qazaqtyŋ dästürlı oiu-örnegı resmi türde İSESKO İslam älemı mūralary tızımıne endı. Būl şeşım 11 aqpanda ötken İSESKO İslam älemı mūralary komitetınıŋ 13-sessiiasynda qabyldandy, dep habarlaidy "Adyrna".
Memlekettık keŋesşı Erlan Qarinnıŋ pıkırınşe, oiu-örnek – ūlttyq mädenietımızdıŋ negızgı etnomädeni kody, tarihi sabaqtastyǧymyz ben bıregeilıgımızdı nyǧaituǧa yqpal etetın maŋyzdy element. Onyŋ İSESKO tızımıne enuı Qazaqstannyŋ materialdyq emes mädeni mūrasyn halyqaralyq deŋgeide ılgerıletudegı ülken jetıstık bolyp sanalady.
"Oiu-örnektıŋ İSESKO-nyŋ bedeldı tızımıne enuı – Qazaqstannyŋ materialdyq emes mädeni mūrasyn halyqaralyq deŋgeide ılgerıletudegı maŋyzdy qadam.
Būǧan deiın, iaǧni 2023 jyly İSESKO tızımıne türkı örkenietınıŋ basty nyşandarynyŋ bırıne ainalǧan dästürlı «Toǧyzqūmalaq» oiyny qosylǧan bolatyn.
Prezidenttıŋ Ūlttyq qūryltai otyrystarynda bergen tapsyrmalaryna säikes, Qazaqstannyŋ mädeni mūra nysandaryn IýNESKO jäne İSESKO tızımderıne engızu jūmysy jalǧasatyn bolady", - dep jazdy Erlan Qarin.
Ūqsas jaŋalyqtar
