Öŋırdıŋ ǧylymi-şyǧarmaşylyq ziialy qauymy konstitusiialyq jaŋǧyru jönındegı aşyq dialogty qoldady

Jetısu oblysynda öŋırdıŋ ǧylymi jäne şyǧarmaşylyq ziialy qauym ökılderımen jaŋa Konstitusiia jobasy men aldaǧy respublikalyq referendumǧa arnalǧan kezdesu öttı. Is-şara «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasy müşelerınıŋ qatysuymen tüsındıru dialogy formatynda ūiymdastyryldy.
 
Kezdesuge Qazaqstan Respublikasy Premer-Ministrınıŋ orynbasary – Mädeniet jäne aqparat ministrı, koalisiia töraǧasynyŋ orynbasary Aida Balaeva qatysty.
 
Öz sözınde Aida Balaeva jaŋa Konstitusiia jobasy el damuynyŋ jaŋa paradigmasyn aiqyndaitynyn atap öttı. Būl paradigmada adam jäne onyŋ qadır-qasietı aldyŋǧy orynǧa şyǧyp, ziiatkerlık äleuet strategiialyq resurs retınde qarastyrylady.
 
«Jaŋa Konstitusiia jobasynyŋ negızgı mänı - ärbır azamattyŋ qadır-qasietın qorǧau jäne eldıŋ tūraqty damuyn qamtamasyz etu. Eŋ bastysy, alǧaş ret konstitusiialyq deŋgeide «bılım», «ǧylym» jäne «innovasiialar» memlekettıŋ joǧary qūndylyqtary retınde bekıtıldı. Būl – bılımge, ǧylymi oiǧa jäne şyǧarmaşylyq äleuetke naqty progress faktorlary retınde süienu degen söz. Jaŋa tehnologiialar men jasandy intellekt däuırınde bäsekege qabılettı bolu osy baǧyttarsyz mümkın emes», – dedı ol.
 
Joba talqylauynyŋ keŋ qoǧamdyq formatta ötkenıne erekşe nazar audaryldy. Ūsynystar e-Otinish jäne eGov sifrlyq platformalary arqyly qabyldanyp, Konstitusiialyq komissiia jūmysy aşyq jürgızılıp, qoǧamdyq talqylaular tıkelei efirde körsetıldı.
 
«Būrynǧy Konstitusiiamyz 30 jyldan astam uaqyt būryn, qiyn kezeŋde qabyldandy. Al, qazırgı zaman talaby basqa – bız damu mındetterın aiqyndauymyz kerek. Sondyqtan 10–20–30 jyl alǧa qarap, tūraqty örkendeudı qamtamasyz etıp, balalarymyzǧa bolaşaqta myqty memleket qaldyruymyz qajet. Jaŋa Konstitusiia jobasy adami kapitaldyŋ basymdyǧyn, ǧylym men innovasiialarǧa süienudı, ūltaralyq jäne konfessiiaaralyq kelısımdı nyǧaitudy küşeitedı», – dedı Mäjılıs deputaty Nikita Şatalov.
 
Adami kapitaldy damytu jäne kadr daiarlau mäselelerın Abai atyndaǧy Qazaq ūlttyq pedagogikalyq universitetınıŋ basqarma töraǧasy – rektory Bolat Tılep köterdı. Gumanitarlyq baǧytta «Halyqaralyq “Qazaq tılı” qoǧamy» qoǧamdyq bırlestıgınıŋ Jetısu oblystyq filialynyŋ töraǧasy Ämıre Ärın ūsynystaryn bıldırdı. Al äŋgımenıŋ mädeni qyryn Biken Rimova atyndaǧy Qazaq drama teatrynyŋ körkemdık jetekşısı Saǧyndyq Jūmadıl atap öttı.
 
Ämıre Ärın Konstitusiiada bekıtılgen negızgı qaǧidattardyŋ memleket damuyna jäne eldıŋ halyqaralyq bedelın nyǧaituǧa yqpalyn erekşe atap öttı.
 
«Negızgı qūjatta bekıtılgen el men aumaqtyŋ tūtastyǧy, adam qūqyqtary men bostandyqtary, zaiyrly memleket qaǧidaty, sifrlandyru, neke, ädılettılık, zaŋ men tärtıp, tabiǧatty qorǧau siiaqty qaǧidattardy ömırşeŋ dep sanaimyn. Osylaişa azamattyq qoǧamnyŋ memlekettık basqarudaǧy rölı artyp, memlekettık üderısterımız damyp, elımızdıŋ älemdık qauymdastyqtaǧy bedelı nyǧaia tüsedı», – dedı ol.
 
Saǧyndyq Jūmadıl de Konstitusiiada bekıtılgen qaǧidattardyŋ maŋyzyn atap öttı.
 
«Täuelsızdık pen memlekettılık qūndylyǧy da Konstitusiiada aiqyn körınıs tapqan. Jerımızdıŋ tūtastyǧy, şekaramyzdyŋ berıktıgı, halyqtyŋ bırlıgı – memlekettıŋ basty bailyǧy», – dedı ol.
 
Kezdesu soŋynda qatysuşylar aldaǧy referendumda sanaly taŋdau jasaudyŋ jäne är azamattyŋ jeke jauapkerşılıgınıŋ maŋyzyn atap öttı. Konstitusiialyq normalar ıs jüzınde jūmys ıstep, memleket pen qoǧam arasyndaǧy senımdı nyǧaituy tiıs ekenı aityldy.