Bir aptada el boıynsha áleýmettik mańyzy bar azyq-túlik baǵasyn negizsiz kóterýdiń 734 faktisi anyqtaldy. Bul týraly QR Saýda jáne ıntegraııa mınıstrligi Saýda komıtetiniń baspasóz qyzmetinen málimdedi, dep habarlaıdy “Adyrna” ulttyq portaly.
«Sońǵy aptada 40,3 myń dúkenge reıd júrgizildi. Nátıjesinde azyq-túlik baǵasyn negizsiz kótergen 734 dúken anyqtaldy. Áleýmettik mańyzy bar taýarlardy qymbat baǵamen satqany týraly derekter kóbine Nur-Sultan qalasy (278) men Shyǵys Qazaqstan oblysynda (80) tirkeldi. Odan ári Túrkistan oblysynda – 38, Batys Qazaqstan oblysynda – 33, Qostanaı jáne Mańǵystaý oblystarynda – 32, Jetisý oblysynda – 30 dúken taýarǵa ústeme qun qosqan. Mundaı faktiler eń az anyqtalǵany – Ulytaý oblysynda. Onda baǵany negizsiz kótergender týraly 6 jaǵdaı tirkeldi.
Áleýmettik mańyzy bar azyq-túlik baǵasyna qosylǵan ústeme 15 paıyzdan assa, onda 300 AEK mólsherinde aıyppul salynatynyn eskertemiz», - delingen baspasóz málimetinde.
Quzyrly organ reıd qorytyndysy boıynsha ishki saýda sýbektilerine qatysty eskertý túrinde 126 ákimshilik hattama toltyrylyp, 1 aıyppul salǵan. Al kópshilik saýda obektileri túsindirý jumystarynan keıin áleýmettik mańyzy bar azyq-túlik baǵasyn 5-15 paıyzǵa deıin tómendetken.
”Adyrna” ulttyq portaly
