Memleket jäne qoǧam qairatkerı Altynbek Särsenbaiūlyn öltıruge tapsyrys bergen adam Nazarbaev emes. Būl turaly belgılı saiasattanuşy ärı Mäjılıs deputaty Aidos Sarym «Sadaq media» arnasyna bergen sūhbatynda aitty, dep habarlaidy «Adyrna» tılşısı.
Onyŋ aituynşa, Altynbektıŋ qazasyn Nūrsūltan Nazarbaevqa teludıŋ qajetı joq. Sebebı – naqty dälel joq.
«Kezınde Rysbek Särsenbaev aǧamyz emosiiamen bıraz dünienı aityp jıberdı. Älı de aityp jür. Bıraq oǧan dälel joq qoi. Ol jerde Nazarbaevtyŋ qūlaǧy körınuı mümkın. Bıraq ädılet degen boluy tiıs qoi, jobalap, ymdap bolsa da däleldei alǧan adam joq. Men öz basym Altynbektıŋ ölımın Rahat Älievke jaqyndatam. Altynbekpen jyldap aralasqan, älı künge deiın sol ortada jürgen bıraz azamatpen aralasam. Bıraq olardyŋ eşqaisysy da tıkelei Nazarbaevtan körıp jatqan joq.
Būl - Rysbektıŋ özınıŋ ūstanymy, özınıŋ jeke pıkırı. Kezınde Altynbektıŋ janynda jürgen, qaǧazyn jazyp berıp jürgen - Rysbek emes, men bolatynmyn. Men ony jaqsy bılemın», - deidı Aidos Sarym.
Sondai-aq ol Altynbek Särsenbaiūlynyŋ kezınde öte kekşıl bolǧanyn aitady. Bıraq uaqyt öte kele özgergen.
«Altynbek öte kekşıl adam boldy. Köp adamdy jek kördı. Solardyŋ bırı Serık Äbdrahmanov edı. Ekınşısı Baltaş Tūrsynbaev bolatyn. Bıraq uaqyt öte kele özgerdı, sanaly ǧūmyrynda özınıŋ jek köretın adamdarmen tatulasyp, solardyŋ deŋgeiıne tüsıp, söileskenın kördım», - deidı deputat.
