QR syrtqy ıster ministrlıgı İrandaǧy jaǧdaiǧa bailanysty qazaqstandyqtar arasynda zardap şekkender joq ekenın mälımdedı, dep habarlaidy "Adyrna" ūlttyq portaly.
Vedomstvonyŋ mälımetınşe, qazırgı uaqytta İran aumaǧynda Qazaqstannyŋ 96 azamaty bar.
Onyŋ ışınde 18-ı – diplomatiialyq ökıldıkterdıŋ qyzmetkerlerı, ekeuı – student, 70 azamat «Zarkuh» zauytynda eŋbek etedı. Taǧy alty qazaqstandyq İranda jeke şarualarymen jür.
SIM men şeteldegı mekemeler İrandaǧy qazaqstandyqtarmen tūraqty bailanysta. Qazırgı uaqytqa deiın Qazaqstan azamattarynyŋ zardap şekkenı turaly aqparat tüsken joq.
Būǧan deiın ministrlık İranda jürgen qazaqstandyqtar men olardyŋ Qazaqstandaǧy tuystary üşın jedel bailanys jelılerı aşylǧanyn habarlaǧan.
Ūqsas jaŋalyqtar
