Jaŋa Konstitusiia jobasynda Qazaqstannyŋ zaiyrly sipatyn aiqyndaityn norma engızılgenı turaly mälımdeme jasaldy, dep habarlaidy "Adyrna" ūlttyq portaly.
Būl turaly mädeniet jäne aqparat ministrı Aida Balaeva habarlady.
Onyŋ aituynşa, qoldanystaǧy Konstitusiiada memleket demokratiialyq, zaiyrly, qūqyqtyq jäne äleumettık dep körsetılgen bolsa, jaŋa joba būl qaǧidatty derbes jäne auqymdy türde bekıtedı.
«Zaiyrly memleket dındı joqqa şyǧarmaidy. Jaŋa 7-baptyŋ 1-tarmaǧynda «Dın memleketten bölek» dep naqty körsetılgen. Memlekettık saiasat zaŋǧa negızdeledı, eşbır dın memlekettık nemese mındettı dep sanalmaidy. Azamattardyŋ barlyǧy öz dınıne qaramastan teŋ qūqyly», – dedı Aida Balaeva.
Sonymen qatar, elımızde dıni bırlestıkterdıŋ qyzmetın, qūqyǧy men jauapkerşılıgın retteitın jeke zaŋ qabyldanbaq. Jobaǧa engızılgen jaŋa bapta «Dıni ūiymdardyŋ qyzmetı zaŋǧa säikes jüzege asyrylady jäne konstitusiialyq qūrylys negızderın, adamnyŋ qūqyqtary men bostandyqtaryn qorǧau, ūlttyq qauıpsızdıktı, qoǧamdyq tärtıptı, azamattardyŋ densaulyǧy men qoǧamnyŋ adamgerşılık bolmysyn saqtau maqsatynda şekteluı mümkın» delıngen.
