Qostanai qalasynda öŋırlık koalisiia ökılderınıŋ "Qostanai Su" kommunaldyq käsıporyn qyzmetkerlerımen kezdesuı öttı. Kezdesudıŋ basty taqyryby jalpyūlttyq referendumǧa şyǧarylǧan konstitusiialyq reforma jäne onyŋ eldıŋ äleumettık-ekonomikalyq damuyna äserı boldy.
Is-şaraǧa öŋırlık koalisiia müşelerı Qadyrǧali Jamanbalin, Manara Madinina jäne Aida Serikova qatysty. Aşyq dialog barysynda olar jaŋartylǧan Konstitusiia jobasynyŋ negızgı erejelerıne toqtalyp, ūsynylyp otyrǧan özgerısterdı jan-jaqty tüsındırdı.
Qadyrǧali Jamanbalinnıŋ aituynşa, konstitusiialyq reformalar äleumettık salanyŋ damuyna jaŋa serpın berıp, tūraqty jūmyspen qamtu kepıldıkterın nyǧaituǧa jäne azamattardyŋ qorǧalu deŋgeiın arttyruǧa baǧyttalǧan. Onyŋ sözınşe, Negızgı zaŋ jobasyna öndırıstı qoldauǧa, ekonomikalyq ösımdı yntalandyruǧa jäne ädılettı ärı tiımdı saiasi jüie qalyptastyruǧa baǧyttalǧan naqty ärı tūraqty normalar engızılgen.
Kezdesu barysynda eŋbek adamyna qūrmet, qyzmetkerlerdıŋ qauıpsızdıgı jäne käsıbi qyzmetke qolaily jaǧdai jasau mäselelerıne erekşe nazar audaryldy. Qatysuşylar ūsynylyp otyrǧan özgerıster saiasi jüienı jaŋǧyrtyp, bilık tarmaqtarynyŋ teŋgerımdı jūmys ısteuın qamtamasyz etetının jäne azamattardyŋ memlekettık basqaruǧa qatysu mümkındıkterın keŋeitetının atap öttı.
Pıkır almasu formatynda «Qostanai Su» qyzmetkerlerı özderın tolǧandyrǧan sūraqtaryn qoiyp, pıkırlerın bıldırdı. Koalisiia ökılderı kerı bailanystyŋ maŋyzdylyǧyn atap ötıp, mūndai kezdesuler qoǧam men bilık arasyndaǧy senımdı nyǧaituǧa yqpal etetının jetkızdı.
Kezdesu qorytyndysynda öŋırlık koalisiia müşelerı käsıporyn qyzmetkerlerı el bolaşaǧyna qatysty maŋyzdy bastamalardy qoldaitynyna senım bıldırdı.
