Qostanaıda jantúrshigerlik jol apatynan eki adam qaza tapty, dep habarlaıdy “Adyrna” tilshisi.
23 jeltoqsanda "Almaty – Qostanaı – Ekaterınbýrg" tas jolynda Stanıonnyı aýylynyń mańynda SsangYong Musso kóliginiń 72 jastaǵy júrgizýshisi rólge ıe bola almaı, jol apatyna sebepker boldy. Ol jol boıynda toqtap turǵan tirkemesi bar "KAMAZ" kóligine soqtyǵysqan.
"KAMAZ-ben soqtyǵysqan SsangYong keri aınalyp ketkende ony bar jyldamdyǵymen Lada Granta kelip kıip ketedi. Saldarynan SsangYong júrgizýshisi men jolaýshysy oqıǵa ornynda qaza tapty", - dep jazady oblystyq PD baspasóz qyzmetine silteme jasap.
Sonymen qatar, Lada Granta-nyń júrgizýshisi men eki jolaýshysy da jaraqat aldy.
Qazir faktige sáıkes, polıııa QR QK 345-babynyń 4-bóligi, "Abaısyzda eki jáne odan kóp adamnyń ólimine ákelip soqtyrǵan JQE buzý" boıynsha sotqa deıingi tergep-tekserýdi bastady.
