Niderlandtyŋ Herenven qalasynda konkimen jügıruden klassikalyq köpsaiys boiynşa älem chempionaty aiaqtaldy. Būl dissiplinada Qazaqstan qūramasy sapynan Nadejda Morozova öner körsettı, dep habarlaidy «Adyrna» tılşısı ŪOK-qa sılteme jasap.
Otandasymyz 500 metr qaşyqtyqta üşınşı boldy. Odan keiın 3000 metrde onynşy bolyp märege jettı. 1500 metrde Morozova altynşy oryn alyp, 24 qatysuşynyŋ ışınen üzdık segızdıkke endı. Osylaişa ol 5000 metr qaşyqtyqta jarysuǧa mümkındık aldy.
5000 metrde Morozova jetınşı orynǧa tūraqtady. Nätijesınde ol älem chempionatyn da jetınşı orynmen aiaqtady (160.435 ūpai).
Altyn medaldı norvegiialyq Ragne Viklund (157.457) jeŋıp aldy. Niderland sportşysy Mareike Grunevaud ekınşı orynǧa ie boldy (158.086). Japoniialyq Miho Takagi üzdık üştıktı tüiındedı. Köpsaiysta eŋ az ūpai jinaǧan sportşy jeŋımpaz atanady.
Aita keteiık, Ekaterina Morozova 5000 metr qaşyqtyqta 7:02.30 nätijemen Qazaqstannyŋ ūlttyq rekordyn jaŋartty. Sondai-aq ol köpsaiys qorytyndysy boiynşa da ūlttyq rekord ornatty. Sportşy 2026 jylǧy Qysqy Olimpiada oiyndarynda Qazaqstan namysyn qorǧaǧan bolatyn.
