Qonaev qalasynyŋ Qūrmettı azamaty, belgılı käsıpker Mūrat Sırgebaev respublikalyq referendum künı erekşe bastama köterıp, retrokölıkterden qūralǧan avtoşeru ūiymdastyrdy.
Qala köşelerımen jürıp ötken sänı kelısken köne avtomobilder köpşılıktıŋ nazaryn audardy. Sirek kezdesetın retrokölıkterdı körgen tūrǧyndar qyzyǧa qarap, suretke tüsıp, erekşe äser aldy. Köpşılık üşın būl kün tek maŋyzdy saiasi oqiǧa ǧana emes, sonymen bırge köterıŋkı köŋıl küi syilaǧan merekelık sätke ainaldy. Osylaişa, Qonaev qalasynda jaǧymdy, pozitivtı atmosfera qalyptasty.
Aita ketu kerek, Mūrat Sırgebaev – qalada öz käsıbın tabysty jürgızıp otyrǧan ırı käsıpkerlerdıŋ bırı. Ol qaiyrymdylyq şaralaryna belsendı qatysyp, şahardyŋ qoǧamdyq ömırıne tūraqty türde üles qosyp keledı. Sonymen qatar qaladaǧy erekşe nysandardyŋ bırı – retrokölıkter muzeiınıŋ negızın qalaǧan.
Elge sıŋırgen eŋbegı men qoǧamdyq belsendılıgı üşın ol Qonaev qalasynyŋ Qūrmettı azamaty ataǧyna ie bolǧan.
Käsıpker referendum künı öz uchaskesıne baryp, azamattyq taŋdauyn da jasady.
«Bügın men respublikalyq referendumǧa kelıp, öz dauysymdy berdım. Käsıpker retınde elımızdegı tūraqtylyq pen zaŋ üstemdıgı biznestıŋ damuyna tıkelei äser etetının jaqsy tüsınemın. Memleketımızdıŋ damuyna qatysty maŋyzdy şeşımder qabyldanatyn kezde bärımızdıŋ jūmylǧanymyz dūrys», – dedı Mūrat Sırgebaev.
