Prezident Qasym-Jomart Toqaev respublikalyq referendum barysynda jürgızılgen ekzit-poll qorytyndysymen tanysty. «Qazmedia ortalyǧynyŋ» studiiasynda ekzit-poll nätijelerı tanystyrylǧannan keiın Memleket basşysy mälımdeme jasady, dep habarlaidy "Adyrna".
Prezidenttıŋ pıkırınşe, barlyq zaŋ talaptary men demokratiialyq normalar qataŋ saqtaldy. Mūny elımızdıŋ jäne şeteldıŋ baiqauşylary da aityp otyr.
"Azamattar jasaǧan taŋdaudyŋ tüpkılıktı qorytyndysyn zaŋǧa säikes Ortalyq referendum komissiiasy resmi tärtıppen şyǧarady. Bıraq qazırdıŋ özınde Qazaqstan halqy yntymaq pen bırlıktıŋ, patriotizmnıŋ, Otan taǧdyryna ortaq jauapkerşılıktıŋ keremet ülgısın körsettı dep aita alamyz. Azamattarymyzdyŋ basym bölıgı Örkendeu, Ädılet, Zaŋ men Tärtıp, Tabiǧatty aialau jäne Tazalyq jolyn taŋdady. Būl – öte jaqsy jol. Jaŋa Halyq Konstitusiiasy elımızdı tyŋ jetıstıkter men tabystarǧa bastaidy. Būǧan eşqandai kümän joq. Dauys beruşıler sany boiynşa eŋ joǧary rekordtyq körsetkış tırkeldı. Mūndai jaǧdai köpten berı bolmap edı. Uchaskege kelıp, azamattyq ūstanymyn anyq bıldırgen barşaǧa alǧys aitamyn. Osy arqyly küllı älemge qazaq qoǧamynyŋ saiasi mädenietı joǧary ekenın paş ettık. «Bırlık bar jerde tırlık bar». Bırlık bar jerde örkendeu bar. Eldıŋ quaty – bırlıkte. Bızge tatulyq pen dostyq, sabyrlyq pen tabandylyq, jasampazdyq pen ūqyptylyq, eŋbekqorlyq pen senımdılık auadai qajet. Sonda ǧana ozyq, damyǧan, bäsekege qabılettı el bolamyz", – dedı Prezident.
Memleket basşysynyŋ aituynşa, Qazaqstan halqy qoldaǧan, jappai dauys bergen Konstitusiia – elımızdıŋ temırqazyǧy.
"Jaŋa Konstitusiia – Täuelsızdık pen egemendık tıregı. Ata zaŋymyz – adam qūqyǧy men bostandyǧynyŋ myzǧymas kepılı. Bız bır el bolyp Zaŋ men tärtıp saqtalatyn, jauapty jäne jasampaz azamattary bar Ädılettı qoǧam qūru jolynda maŋyzdy qadam jasadyq. Osylaişa, bügın ūlt tarihynyŋ jaŋa paraǧyn aştyq. Alda auqymdy jūmystar kütıp tūr. Eŋ bastysy, halqymyz tübegeilı özgerısterdı barynşa qoldaidy. Bız ortaq müdde jolynda küş bırıktırıp, keler ūrpaqqa Örkeniettı, Ozyq Qazaqstandy amanat etemız. Men būǧan kämıl senemın. Osy referendum kezınde jastar belsendı türde sailauǧa qatysty. Jastarymyzǧa myŋ da bır raqmet! Jastarymyzdyŋ dauysy, ünı öte jaqsy estıldı. Ärqaşan aman bolyŋyzdar! Qazaq elınıŋ qasiettı Täuelsızdıgı mäŋgı bolsyn! Otanymyz – Qazaqstan Respublikasy jasai bersın! Jaŋa Konstitusiiamyz qūtty bolsyn!" – dedı Qasym-Jomart Toqaev.
