Bügın, 2 qazanda Qazaqstan men Majarstan prezidentterı keŋeitılgen qūramda kelıssöz jürgızdı. Būl turaly Aqorda jazdy, dep habarlaidy «Adyrna» tılşısı.
Memleket basşysy Qasym-Jomart Toqaevtyŋ aituynşa, ekıjaqty sauda-ekonomikalyq qarym-qatynastardyŋ berık negızı men zor äleuetı bar.
«Byltyr tauar ainalymy şamamen 200 million dollarǧa jetkenın, al biylǧy segız aida 22 paiyz öskenın (164,5 million dollar) erekşe yqylaspen atap ötkım keledı. Bügınde Qazaqstan ekonomikasyna 400 million dollarǧa juyq investisiia salǧan 35-ten asa majar kompaniiasy jūmys ıstep jatyr. Bız qazırdıŋ özınde auyl şaruaşylyǧy, jaŋartylatyn energiia, densaulyq saqtau, logistika men qarjy salalarynda 607 million dollarǧa baǧalanatyn 20 bırlesken jobany ıske asyryp jatyrmyz»,—dedı ol.
Būdan bölek, taraptar mädeni-gumanitarlyq yqpaldastyq mäselelerıne män berdı.
Qasym-Jomart Toqaev Majarstan basşysy Tamaş Şuiokty qazaq elınde qarsy alu ülken märtebe ekenın, halqymyz Majarstan prezidentın asa körnektı memleket qairatkerı, parasatty basşy, bedeldı tūlǧa dep qabyldaitynyn atap öttı.
«Sız sarabdal saiasatyŋyz arqyly Majar elınıŋ äleumettık-ekonomikalyq damuyn ılgerıletuge, halyqaralyq sahnadaǧy bedelın nyǧaituǧa ölşeusız üles qosyp kelesız. Bız Majarstannyŋ Qazaqstan täuelsızdıgın alǧaşqylardyŋ bırı bolyp tanyǧan memleket ekenın eş uaqytta ūmytpaimyz. Al egemen el retınde Europada tūŋǧyş elşılıgımızdı Budapeşt törınde aşqanymyz erekşe simvoldyq mänge ie»,–dedı Qazaqstan prezidentı.
Qasym-Jomart Toqaev Tamaş Şuioktyŋ Qazaqstan men Majarstan arasyndaǧy serıktestıktı nyǧaituǧa qosqan sübelı ülesın, jeke qoldauyn öte joǧary baǧalaitynyn jetkızdı.
«Ekı el arasyndaǧy bailanysty küşeitu jolyndaǧy eŋbegıŋızdı jäne airyqşa rölıŋızdı eskere otyryp, Sızdı I därejelı «Dostyq» ordenımen marapattau turaly şeşım qabyldadym. Būl – qazaq jūrtynyŋ Özıŋızge degen şynaiy qūrmetı, riiasyz köŋılı. Sondai-aq osy joǧary marapat halyqtarymyzdyŋ mäŋgılık bauyrlastyǧynyŋ taǧy bır simvoly bolady dep senemın»,– dedı ol.
