Qazaqstan Respublikasynyŋ Memlekettık qyzmet ısterı agenttıgınde kadrlyq taǧaiyndau boldy. Bibıgül Bökenbaiqyzy Qūlaman Jūrtşylyqpen bailanys departamentınıŋ direktory – baspasöz hatşysy qyzmetıne kırıstı, dep habarlaidy "Adyrna".
"Media jäne strategiialyq kommunikasiialar salasynda mol täjıribesı bar käsıbi maman retınde Bibıgül Bökenbaiqyzy memlekettık sektor men BAQ arasyndaǧy tiımdı dialogty nyǧaituǧa öz ülesın qosyp keledı", delıngen Memlekettık qyzmet ısterı agenttıgınıŋ habarlamasynda.
Eŋbek jolynda bırqatar jauapty qyzmetterdı atqarǧan. Atap aitqanda, Qazaqstan Respublikasy Prezidentı janyndaǧy Memlekettık basqaru akademiiasynda baspasöz hatşysy boldy. Sonymen qatar, MNU universitetınde senor-lektor retınde därıs berıp, jas mamandardy daiarlauǧa üles qosty.
Būǧan deiın Qazaqstan Respublikasy Parlamentı Senaty deputatynyŋ qoǧamdyq kömekşısı qyzmetın atqaryp, zaŋ şyǧaru salasyna da qatysy bar jūmystar jürgızgen. Sondai-aq, «Bas redaktorlar kluby» respublikalyq qoǧamdyq bırlestıgınde atqaruşy direktor bolyp, media salasynyŋ damuyna üles qosqan.
