Senat bırdei lauazymdaǧy qyzmetkerlerge teŋ jalaqy töleu jäne äkelerge berıletın dekrettık tölemder tärtıbın naqtylaityn zaŋ jobasyn ekı oqylymda qarap, maqūldady, dep habarlaidy "Adyrna".
Qūjatqa säikes, endı zeinetaqy taǧaiyndau kezınde jūmys ıstemeitın äkenıŋ bala kütımımen ötkızgen uaqyty eŋbek ötılıne engızıledı. Sonymen qatar bır qyzmettegı qyzmetkerler arasyndaǧy jalaqy aiyrmaşylyǧyna şekteu qoiylady.
Zaŋ deputattardyŋ bastamasymen äzırlengen. Jaŋa özgerıster äkelerdıŋ de bala kütımıne belsendı qatysuyna jol aşady. Bala kütımımen otyrǧan uaqyt eŋbek ötılıne qosylyp, bolaşaq zeinetaqyǧa äser etedı.
«Osy oraida zaŋ qoldanystaǧy Eŋbek kodeksıne, Äleumettık kodekske, Halyq densaulyǧy jäne densaulyq saqtau jüiesı turaly kodekske, Qazaqstan Respublikasyndaǧy jergılıktı memlekettık basqaru jäne özın-özı basqaru turaly, Rūqsattar jäne habarlamalar turaly, sondai-aq Memlekettık satyp alu turaly Qazaqstan Respublikasynyŋ zaŋdaryna özgerıster men tolyqtyrular engızudı közdeidı», – dedı senator Ruslan Rüstemov.
Zaŋ aiasynda jūmys beruşılerge eŋbek funksiiasyn atqaratyn adamdarmen azamattyq-qūqyqtyq şart jasasuǧa tyiym salynady. Sonymen qatar ūjymdyq şartta jalaqy aiyrmaşylyǧynyŋ şegı, eŋbek qauıpsızdıgı, öndırıstegı jazataiym oqiǧalarǧa qatysty tölemder siiaqty talaptar naqtylanady.
Sondai-aq ereuıl ötkızu tärtıbı de retteledı. Atap aitqanda, tatulastyru komissiiasynyŋ jūmysyna deldal tartu, qauıptı öndırıs oryndarynda mındettı qyzmet kölemın saqtau jäne ereuıl kezınde toqtatylmaityn öndırıster tızımın naqtylau közdelgen.
