AQŞ prezidentı Donald Tramp İrannyŋ energetikalyq infraqūrylymyna, sonyŋ ışınde elektr stansiialaryna jasalatyn soqqylardy bes künge keiınge qaldyrudy būiyrdy, dep habarlaidy “Adyrna”.
«AQŞ pen İran soŋǧy ekı künde Taiau Şyǧystaǧy arazdyqty tolyq jäne tüpkılıktı şeşu mäselesı boiynşa öte jaqsy ärı nätijelı kelıssözder jürgızdı. Osy tereŋ, egjei-tegjeilı jäne konstruktivtı kelıssözderdıŋ sipaty men barysyn eskere otyryp, olar aldaǧy apta boiy jalǧasady. Sol sebeptı men äskeri vedomstvoǧa İrannyŋ elektr stansiialary men energetikalyq infraqūrylymyna qarsy kez kelgen äskeri äreketterdı bes künge keiınge qaldyrudy tapsyrdym. Būl şeşım kelıssözderdıŋ sättı ötuıne bailanysty», – dep jazdy prezident AQŞ-tyŋ Truth Social äleumettık jelısınde.
Aita ketsek, būǧan deiın Donald Tramp İranǧa Ormuz būǧazyn 48 saǧatta aşpasa, elektr stansiialaryna soqqy jasaitynyn aitqan bolatyn.
Al AQŞ-qa jauap retınde İran bilıgı “eger elektr stansiialaryna soqqy jasalsa, Ormuz būǧazy tolyqtai jabylatynyn” aityp eskertken edı.
