Işkı ıster ministrı Erjan Sadenovtyŋ tapsyrmasymen Almaty qalasynda bolǧan rezonanstyq jol-kölık oqiǧasy alǧaşqy sätten bastap erekşe baqylauǧa alyndy. Būl turaly Polisia.kz jazdy, dep habarlaidy «Adyrna» tılşısı.
Ministrlık qazırgı uaqytta qoǧamda aitylyp jatqan barlyq uäj tekserılıp jatqanyn aitty.
«Aldyn habarlanǧandai, atalǧan apat boiynşa būǧan deiın qylmystyq ıs qozǧalǧan bolatyn. ZEEKR avtokölıgınıŋ jürgızuşısıne sottyŋ sanksiiasymen qamaqqa alu şarasy qabyldandy. Apat kezınde ol jeŋıl därejedegı alkogoldık masaŋ küide bolǧan. Sondai-aq ministrdıŋ tapsyrmasy boiynşa qyzmettık tekserıs bastaldy. Onyŋ obektivtılıgı men tolyqtyǧyn qamtamasyz etu üşın Almaty qalasyna Özındık qauıpsızdık departamentınıŋ, Äkımşılık polisiia komitetınıŋ jäne Jeke qūrammen jūmys departamentınıŋ basşylary täjıribelı qyzmetkerlermen bırge jıberıldı. Al memlekettık nömırlık belgılerdıŋ zaŋsyz berıluı mümkın degen uäjder boiynşa Özındık qauıpsızdık departamentımen qylmystyq ıs qozǧaldy»,-delıngen habarlamada.
Sondai-aq polisiia departamentı basşylarynyŋ bırınıŋ jürgızuşısıne qatysty äreketsızdık faktısı boiynşa da qylmystyq ıs qozǧalǧan. Ol uaqytşa ūstau izoliatoryna qamalǧan.
«Osy aitylǧan qyzmettık tekserıs jäne qylmystyq ıster aiasynda barlyq män-jailar, onyŋ ışınde mediakeŋıstıkte taralyp jatqan aqparat jan-jaqty tekserıledı. Anyqtalǧan kemşılıkterge bailanysty kadrlyq şeşımder qabyldandy. Ministrdıŋ būiryǧymen Almaty qalasy polisiia departamentı bastyǧynyŋ syrtqy qyzmetter men jol qauıpsızdıgın qadaǧalaityn orynbasary, sondai-aq äkımşılık polisiia jäne qoǧamdyq qauıpsızdık basqarmalarynyŋ basşylary qyzmetterınen bosatyldy. Zaŋ būzuşylyqtar rastalǧan jaǧdaida apat qatysuşylary da, lauazymdy tūlǧalar da jauapqa tartylady»,-dep tolyqtyrdy IIM.
