Özbekstan prezidentı Şavkat Mirzieevtıŋ tapsyrmasy boiynşa Qazaqstanda qaza tapqan Özbekstannyŋ segız azamatynyŋ mäiıtın jetkızıp, sondai-aq olardy jerleudı ūiymdastyrumen ainalysatyn ükımettık komissiia qūryldy. Būl turaly Özbekstannyŋ Tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, marqūmdardyŋ denesın tasymaldau üşın Özbekstan Qorǧanys ministrlıgınıŋ äskeri ūşaǧy bölıngen.
«Özbekstannyŋ Tötenşe jaǧdailar ministrlıgı qazaqstandyq ärıptesterımen tyǧyz bailanysta, sondai-aq bolǧan oqiǧanyŋ sebepterın zertteude bırlesıp jūmys ısteude», - delıngen habarlamada.
Aita keteiık, 3 säuırde Aqtöbe oblysynyŋ Samara-Şymkent tas jolynyŋ Marjanbūlaq auylynyŋ maŋynda Özbekstan Respublikasynyŋ azamaty basqarǧan Volvo jük kölıgı men Toyota-Alhpard mikroavtobustarynyŋ qatysuymen jol-kölık oqiǧasy bolǧan bolatyn. Aldyn ala mälımet boiynşa, Özbekstan azamattary kele jatqan Toyota mikroavtobusyn aqaulyq saldarynan qarsy jolaqqa şyǧyp ketken jük kölıgı qaǧyp ketken.
Ūqsas jaŋalyqtar
