Üş adamnyŋ ömırın qiǧan jantürşıgerlık jol apaty boiynşa tergeu aiaqtaldy, dep habarlaidy "Adyrna" ūlttyq portaly Tengrinews.kz-ke sıltep.
Basylym deregınşe, jäbırlenuşı taraptyŋ advokaty Oleg Chernov ıs materialdary jaqyn künderı sotqa joldanatynyn jazǧan.
«Erteŋ sottar, azamattarǧa konsultasiialar bar. Äl-Farabidaǧy jol apaty boiynşa ıstı zerdeleuge kırısemız. Tergeu aiaqtaldy», – dedı ol.
Aita keteiık, 6 mamyr künı IIM orynbasary Sanjar Ädılov atalǧan ıstıŋ tergeuı soŋǧy kezeŋge ötkenın habarlaǧan edı.
«Almatydaǧy jol apaty boiynşa ıs aiaqtalu satysynda. Jaqyn künderı materialdar aldymen jäbırlenuşı tarapqa, keiın küdıktı men onyŋ qorǧauşylaryna tanysu üşın berıledı», – degen öz sözınde.
Būǧan deiın negızgı ıspen qatar polisiia qyzmetkerınıŋ äreketsızdıgıne qatysty ekınşı qylmystyq ıs te tergelıp jatqany habarlanǧan.
26 nauryzda IIM resmi ökılı Şyŋǧys Älekeşev Almaty polisiia departamentı basşylarynyŋ bırınıŋ jürgızuşısıne qatysty qylmystyq ıs qozǧalǧanyn mälımdegen edı.
Ministrlık mälımetınşe, būl ıs te aiaqtaluǧa jaqyn jäne juyrda sotqa joldanady. Küdıktı qamauǧa alynǧan.
Aita keteiık, qaiǧyly jol apaty 21 nauryzǧa qaraǧan tünı äl-Farabi daŋǧyly men Meŋdıqūlov köşesınıŋ qiylysynda bolǧan. Joǧary jyldamdyqpen kele jatqan Zeekr kölıgı qarsy jolaqqa şyǧyp ketıp, Mercedes avtokölıgımen soqtyǧysqan.
Saldarynan Mercedes jürgızuşısı men ekı jolauşy qyz oqiǧa ornynda köz jūmdy. Qaza tapqandardyŋ jasy 20, 22 jäne 29-da bolǧan.
