«Almaty» ÄKK» AQ men «Qazaqmys korporasiiasy» JŞS önerkäsıptık kooperasiiany damytuǧa, otandyq öndıruşılerdı qoldauǧa jäne jergılıktendıru deŋgeiın arttyruǧa baǧyttalǧan yntymaqtastyq turaly memorandumǧa qol qoidy. Özara ıs-qimyldyŋ negızgı baǧyttarynyŋ bırı — «Almaty industriialyq aimaǧy» JŞS rezidentterımen kooperasiiany damytu bolmaq.
«Almaty» ÄKK-nıŋ enşıles ūiymy bolyp tabylatyn Almaty industriialyq aimaǧy bügınde qalanyŋ önerkäsıptık damuynyŋ negızgı alaŋdarynyŋ bırı sanalady.
Qazırgı taŋda onyŋ rezidentterı qatarynda jalpy jobalar kölemı 884 mlrd teŋge bolatyn jäne 20 myŋnan astam jūmys ornyn aşu äleuetı bar 147 kompaniia bar. Tek 2025 jyldyŋ özınde aimaq aumaǧynda 221,2 mlrd teŋge somasyna 14 joba ıske qosylyp, 4 922 jūmys orny qūryldy. İndustriialyq aimaq qūrylǧannan berı rezidentter şamamen 3,4 trln teŋgenıŋ önımın öndırıp, 14 myŋnan astam jūmys ornyn aşty, al tölengen salyqtar kölemı 96 mlrd teŋgege jettı.
Öndırıstık alaŋdarǧa biznes tarapynan joǧary sūranys Almaty industriialyq aimaǧynyŋ jaŋa käsıporyndardy ornalastyru üşın tiımdı baza ekenın körsetedı. Osyǧan bailanysty 2026 jyly qala äkımdıgı onyŋ aumaǧyn 393 gektarǧa keŋeitudı josparlap otyr. Būl jaŋa öndırıstık jobalardy ıske asyruǧa qosymşa mümkındık berıp, Almatynyŋ öndırıstık äleuetınıŋ odan ärı ösuıne yqpal etedı.
«Qazaqmys» üşın qazaqstandyq qamtudy damytu — ūzaqmerzımdı strategiianyŋ negızgı qūrylymdardyŋ bırı. Būl baǧyttyŋ naqty nätijelerı de bar: 2025 jyldyŋ qorytyndysy boiynşa kompaniia otandyq öndıruşılerden şamamen 577 mlrd teŋgege önım men qyzmet satyp alǧan. Onyŋ şamamen 27%-y, iaǧni 152 mlrd teŋgesı Almaty käsıporyndaryna tiesılı. Būl qalanyŋ öŋıraralyq kooperasiia jüiesındegı maŋyzdy rölın aiqyndaidy.
Atalǧan körsetkış öŋıraralyq kooperasiianyŋ joǧary äleuetın körsetıp, önerkäsıp nysandary men biznes arasyndaǧy ärıptestıktı odan ärı keŋeitudıŋ maŋyzyn aiqyndaidy.
Yntymaqtastyq aiasynda şikızat resurstaryn öŋdeudı damytuǧa erekşe nazar audarylady. «Qazaqmys korporasiiasynyŋ» önerkäsıptık beiının eskere otyryp, memorandum Almatyda mys öŋdeuge jäne joǧary qosylǧan qūny bar önım şyǧaruǧa baǧyttalǧan öndırıstık tızbekterdı qalyptastyruǧa qosymşa mümkındık aşady.
Memorandumǧa qol qoiu öŋıraralyq öndırıstık bailanysty nyǧaituǧa, almatylyq käsıporyndardyŋ ırı kompaniialardyŋ jetkızu tızbekterıne qatysuyn keŋeituge, sondai-aq qalanyŋ önerkäsıptık infraqūrylymyn damytuǧa baǧyttalǧan. «Almaty» ÄKK öz qūzyretı şeŋberınde ırı biznes pen Almaty industriialyq aimaǧy rezidentterı arasyndaǧy tiımdı özara ıs-qimyldy jolǧa qoiuǧa ūiymdastyruşylyq jäne konsultasiialyq qoldau körsetudı jalǧastyrady.
