«الماتى» اكك» اق مەن «قازاقمىس كورپوراتسياسى» جشس ونەركاسىپتىك كووپەراتسيانى دامىتۋعا، وتاندىق وندىرۋشىلەردى قولداۋعا جانە جەرگىلىكتەندىرۋ دەڭگەيىن ارتتىرۋعا باعىتتالعان ىنتىماقتاستىق تۋرالى مەموراندۋمعا قول قويدى. ءوزارا ءىس-قيمىلدىڭ نەگىزگى باعىتتارىنىڭ ءبىرى — «الماتى يندۋستريالىق ايماعى» جشس رەزيدەنتتەرىمەن كووپەراتسيانى دامىتۋ بولماق.
«الماتى» اكك-ءنىڭ ەنشىلەس ۇيىمى بولىپ تابىلاتىن الماتى يندۋستريالىق ايماعى بۇگىندە قالانىڭ ونەركاسىپتىك دامۋىنىڭ نەگىزگى الاڭدارىنىڭ ءبىرى سانالادى.
قازىرگى تاڭدا ونىڭ رەزيدەنتتەرى قاتارىندا جالپى جوبالار كولەمى 884 ملرد تەڭگە بولاتىن جانە 20 مىڭنان استام جۇمىس ورنىن اشۋ الەۋەتى بار 147 كومپانيا بار. تەك 2025 جىلدىڭ وزىندە ايماق اۋماعىندا 221,2 ملرد تەڭگە سوماسىنا 14 جوبا ىسكە قوسىلىپ، 4 922 جۇمىس ورنى قۇرىلدى. يندۋستريالىق ايماق قۇرىلعاننان بەرى رەزيدەنتتەر شامامەن 3,4 ترلن تەڭگەنىڭ ءونىمىن ءوندىرىپ، 14 مىڭنان استام جۇمىس ورنىن اشتى، ال تولەنگەن سالىقتار كولەمى 96 ملرد تەڭگەگە جەتتى.
وندىرىستىك الاڭدارعا بيزنەس تاراپىنان جوعارى سۇرانىس الماتى يندۋستريالىق ايماعىنىڭ جاڭا كاسىپورىنداردى ورنالاستىرۋ ءۇشىن ءتيىمدى بازا ەكەنىن كورسەتەدى. وسىعان بايلانىستى 2026 جىلى قالا اكىمدىگى ونىڭ اۋماعىن 393 گەكتارعا كەڭەيتۋدى جوسپارلاپ وتىر. بۇل جاڭا وندىرىستىك جوبالاردى ىسكە اسىرۋعا قوسىمشا مۇمكىندىك بەرىپ، الماتىنىڭ وندىرىستىك الەۋەتىنىڭ ودان ءارى وسۋىنە ىقپال ەتەدى.
«قازاقمىس» ءۇشىن قازاقستاندىق قامتۋدى دامىتۋ — ۇزاقمەرزىمدى ستراتەگيانىڭ نەگىزگى قۇرىلىمداردىڭ ءبىرى. بۇل باعىتتىڭ ناقتى ناتيجەلەرى دە بار: 2025 جىلدىڭ قورىتىندىسى بويىنشا كومپانيا وتاندىق وندىرۋشىلەردەن شامامەن 577 ملرد تەڭگەگە ءونىم مەن قىزمەت ساتىپ العان. ونىڭ شامامەن 27%-ى، ياعني 152 ملرد تەڭگەسى الماتى كاسىپورىندارىنا تيەسىلى. بۇل قالانىڭ وڭىرارالىق كووپەراتسيا جۇيەسىندەگى ماڭىزدى ءرولىن ايقىندايدى.
اتالعان كورسەتكىش وڭىرارالىق كووپەراتسيانىڭ جوعارى الەۋەتىن كورسەتىپ، ونەركاسىپ نىساندارى مەن بيزنەس اراسىنداعى ارىپتەستىكتى ودان ءارى كەڭەيتۋدىڭ ماڭىزىن ايقىندايدى.
ىنتىماقتاستىق اياسىندا شيكىزات رەسۋرستارىن وڭدەۋدى دامىتۋعا ەرەكشە نازار اۋدارىلادى. «قازاقمىس كورپوراتسياسىنىڭ» ونەركاسىپتىك بەيىنىن ەسكەرە وتىرىپ، مەموراندۋم الماتىدا مىس وڭدەۋگە جانە جوعارى قوسىلعان قۇنى بار ءونىم شىعارۋعا باعىتتالعان وندىرىستىك تىزبەكتەردى قالىپتاستىرۋعا قوسىمشا مۇمكىندىك اشادى.
مەموراندۋمعا قول قويۋ وڭىرارالىق وندىرىستىك بايلانىستى نىعايتۋعا، الماتىلىق كاسىپورىنداردىڭ ءىرى كومپانيالاردىڭ جەتكىزۋ تىزبەكتەرىنە قاتىسۋىن كەڭەيتۋگە، سونداي-اق قالانىڭ ونەركاسىپتىك ينفراقۇرىلىمىن دامىتۋعا باعىتتالعان. «الماتى» اكك ءوز قۇزىرەتى شەڭبەرىندە ءىرى بيزنەس پەن الماتى يندۋستريالىق ايماعى رەزيدەنتتەرى اراسىنداعى ءتيىمدى ءوزارا ءىس-قيمىلدى جولعا قويۋعا ۇيىمداستىرۋشىلىق جانە كونسۋلتاتسيالىق قولداۋ كورسەتۋدى جالعاستىرادى.
