Qazaqstandyq sportşy Ruslan Qūrbanov Astanada ötken semserlesuden (şpaga) Älem kubogynda kümıs jüldeger atandy. Būl medal Qazaqstan üşın atalǧan turnirdegı alǧaşqy jülde boldy, dep habarlaidy "Adyrna".
Şeşuşı kezdesude qazaqstandyq şpagaşy Ukraina qūramasynyŋ ökılı Roman Svichkarǧa jol berdı. Final 15:12 esebımen Svichkardyŋ paidasyna aiaqtaldy. Osylaişa, Ruslan Qūrbanov jarysty ekınşı orynmen aiaqtady. Onyŋ kümıs jüldesı Qazaqstan üşın būl turnirdegı alǧaşqy medal boldy.
Aita keteiık, būǧan deiın Qūrbanov Germaniianyŋ Haidenhaim qalasynda ötken Älem kubogynda jeŋımpaz atanǧan edı.
Astanada 26 nauryzda erler men äielder arasynda semserlesuden (şpaga) Älem kubogy bastaldy. Būl – Halyqaralyq semserlesu federasiiasynyŋ (FIE) qoldauymen ötetın maŋyzdy turnirlerdıŋ bırı. Qazaqstan mūndai deŋgeidegı jarysty alǧaş ret qabyldap otyr.
FIE halyqaralyq küntızbesıne jyl saiyn osy sanattaǧy bar bolǧany bes turnir enedı. Olar dästürlı türde Şveisariiada, Germaniiada, BAÄ-de jäne Kanadada ötedı. Biyl osy qatarǧa alǧaş ret Qazaqstan qosylyp, Ortalyq Aziiada Älem kubogyn qabyldaǧan alǧaşqy el atandy.
Jarys 26–29 nauryz aralyǧynda ötedı. Turnirge älemnıŋ 46 elınen şamamen 500 sportşy qatysyp jatyr, onyŋ ışınde 222 äiel jäne 272 er adam bar. Komandalyq saiysta 31 erler jäne 23 äielder qūramasy baq synaidy. Jattyqtyruşylar, töreşıler jäne ūiymdastyruşylardy qosqanda, qatysuşylardyŋ jalpy sany 1000 adamnan asady.
