Qazaqstan-Özbekstan arasyndaǧy memlekettık şekarany demarkasiialaudyŋ qorytyndy qūjattarynyŋ jobalar paketın qalyptastyru aiaqtaldy. Būl turaly QR Syrtqy ıster ministrlıgı mälımdedı, dep jazady "Adyrna" ūlttyq portaly.
2022 jylǧy 25 şılde – 5 tamyz aralyǧynda Almaty qalasynda Qazaqstan-Özbekstan bırlesken demarkasiialyq komissiiasyndaǧy Qazaqstan Respublikasy men Özbekstan Respublikasy Ükımettık delegasiialarynyŋ kezektı otyrysy öttı.
«Kelıssözder barysynda taraptar Qazaqstan Respublikasy men Özbekstan Respublikasy arasyndaǧy Qazaqstan-Özbekstan memlekettık şekarasyn şegendeu turaly şart jobasynyŋ mätının kelısudı jäne şekarany demarkasiialaudyŋ qorytyndy qūjattary jobalarynyŋ paketın qalyptastyrudy aiaqtady. Kelesı kezdesu Özbekstan Respublikasynda diplomatiialyq arnalar arqyly kelısılgen merzımderde ötedı», - delıngen vedomstvo habarlamasynda.
"Adyrna" ūlttyq portaly
