Bügın, 26 säuır künı Jaŋaözen qalasynda Maŋǧystau oblysy men Şymkent qalasynyŋ önerpazdary arasynda respublikalyq «Bes asyl» komandalyq ūlttyq öner saiysy öttı. Mädeni şaraǧa Maŋǧystau oblysy äkımınıŋ bırınşı orynbasary Ashat Oralov qatysty.
Auqymdy mädeni ıs-şara Aitys aqyndary men jyrşy-termeşılerdıŋ halyqaralyq odaǧynyŋ bastamasymen jäne Maŋǧystau oblysy äkımdıgınıŋ jäne «AMANAT» partiiasynyŋ qoldauymen ūiymdastyryldy.
Saiys Qazaqstan Respublikasynyŋ Prezidentı Qasym-Jomart Toqaevtyŋ Joldaularynda aiqyndalǧan ūlttyq qūndylyqtardy därıpteu, dästürlı önerdı damytu jäne öŋıraralyq mädeni bailanystardy nyǧaitu maqsatynda ötkızıldı.
Saiystyŋ negızgı maqsaty – aitys aqyndary men dästürlı öner ökılderınıŋ şyǧarmaşylyq äleuetın arttyru, olardyŋ käsıbi damuyna jaǧdai jasau jäne jastardy ūlttyq önerge baulu.
Baiqau aiasynda qatysuşylar süre aitys, türe aitys, qaiym aitys, qyz ben jıgıt aitysy sekıldı dästürlı aitys türlerı boiynşa öner körsettı. Sonymen qatar küi, jyr, terme jäne dästürlı än janrlary qamtyldy.
Komandalyq formatta ötken saiysqa är öŋırden bır jetekşı, tört aitysker aqyn, sondai-aq termeşı, jyrşy, dästürlı änşı, küişı jäne tanystyruşy qatysty. Qatysuşylardyŋ önerı suyrypsalmalyq şeberlıgı, mazmūn tereŋdıgı, ūlttyq dästürdı saqtau deŋgeiı jäne sahnalyq mädenietı boiynşa baǧalandy.
Önerpazdardyŋ önerın mädeniet jäne öner salasynyŋ tanymal qairatkerlerınen qūralǧan qazylar alqasy saralady. Olardyŋ qatarynda aitys aqyndary men jyrşy-termeşılerdıŋ halyqaralyq odaǧynyŋ töraǧasy Jürsın Erman, jyrşy-ǧalym Berık Jüsıpov, aqyn Sarin Qalqaman, küişı-zertteuşı Mūrat Äbuǧazy, änşı Serık Ospanov, aqyn-jurnalist Janarbek Äşımjanov jäne aqyn, sarapşy Köpbosyn Ömırjan bar. Keştı aqyn, QR Parlamentı Mäjılısınıŋ deputaty Amanjol Ältai jürgızdı.
Is-şara qorytyndysy boiynşa Maŋǧystau oblysynyŋ aityskerlerı jeŋıske jetıp, kelesı kezeŋge joldama aldy. Ekı komandanyŋ aityskerlerı de arnaiy diplomdarmen, aqşalai syilyqtarmen jäne ūiymdastyruşylar taǧaiyndaǧan jüldelermen marapattaldy.
Atalǧan joba ūlttyq önerdı jaŋǧyrtuǧa, jas talanttardy qoldauǧa jäne öŋırler arasyndaǧy mädeni yqpaldastyqty arttyruǧa baǧyttalǧan maŋyzdy bastama bolyp sanalady.
