Qyrǧyzstan syrtqy ıster ministrlıgı Europalyq odaqtyŋ jaŋa sanksiialyq şeşımderıne bailanysty mälımdeme jasap, Europalyq odaq-ty ekıjaqty standarttar qoldandy dep aiyptady, dep habarlaidy "Adyrna" ūlttyq portaly.
Būl turaly 27 säuırde jariialanǧan resmi mälımdemede aityldy. Ministrlık Briusseldıŋ 20-sanksiialyq paketıne Qyrǧyzstannyŋ bırqatar zaŋdy tūlǧalaryn engızuın jäne elge qarsy «antiainalyp ötu mehanizmı» qoldanyluyn «ökınıştı jaǧdai» dep baǧalady.
Bışkek tarapynyŋ aituynşa, Qyrǧyzstan europalyq ärıptestermen tūraqty kelıssözder jürgızıp, barlyq sūralǧan qūjattardy uaqtyly ūsynǧanyna qaramastan, eldıŋ ūstanymy eskerusız qalyp otyr.
Syrtqy ıster ministrlıgı mūndai bırjaqty şekteulerdıŋ üşınşı elderge qysym jasau täjıribesıne qaişy keletının atap öttı. Sondai-aq Qyrǧyzstan öz äreketterınıŋ ūlttyq zaŋnama men halyqaralyq mındettemelerge tolyq säikes ekenın mälımdedı.
Bışkek Euroodaqtan aşyq, käsıbi jäne saiasattan tys dialog jürgızudı, sondai-aq būrynǧy kelısımderdı ıs jüzınde oryndaudy talap ettı.
