Foto: ŪOK
Qytaidyŋ Sian qalasynda ötıp jatqan körkem jüzuden älem kubogınıŋ kezeŋınde Qazaqstan qūramasy sättı öner körsetuın jalǧastyruda. Jarystyŋ ekınşı künı otandastarymyz qorjynǧa taǧy üş medal saldy.
Erler arasyndaǧy erkın baǧdarlamada Viktor Druzin 239,1226 ūpai jinap, qola jüldege ie boldy. Aita keterlıgı, ol jarystyŋ alǧaşqy künı tehnikalyq baǧdarlamada da üşınşı oryn ielengen bolatyn.
Būl bäsekede taǧy bır qazaqstandyq sportşy Eduard Kim üzdık bestıktı tüiındedı. Altyndy qytailyq Mue Go (263,2338) ielense, kümıstı britandyq Randjuo Tomblin (249,8225) aldy.
Tehnikalyq baǧdarlamada öner körsetken aralas jūptar arasynda Qazaqstan qūramasy bırden ekı jüldenı ielendı. Kümıs jüldenı Iаsmina İslamova men Aldiiar Ramazanov jeŋıp aldy. Al qola medal Artur Maidanov pen Aiǧanym Saiymǧa būiyrdy.
Būl jarysta Ūlybritaniia ökılderı İzabel Torp pen Randjuo Tomblin (227,1317) jeŋımpaz atandy.
Äielder arasyndaǧy jūptar bäsekesınde Maqpal Qalmyrza men Polina Merzliakova 12-orynǧa tūraqtady. Al komandalyq erkın baǧdarlamada Qazaqstannyŋ qos qūramasy altynşy jäne jetınşı oryndardy bölıstı.
