«Keleşek mektepterı» ūlttyq jobasy Qazaqstanda zamanaui mektep ortasynyŋ bıryŋǧai standartyn qalyptastyrady. Jaŋa formattaǧy mektepter ärbır balanyŋ sapaly bılım aluyna, jan-jaqty damuyna jäne qauıpsız ortada oquyna keŋ mümkındık beretın keŋıstıkke ainaluda.
Būl bılım beru ordalarynyŋ tehnikalyq jabdyqtaluy analitikalyq oilau men IT-qūzyretterden bastap, zertteuşılık jäne şyǧarmaşylyq qabıletterge deiıngı daǧdylardy qalyptastyruǧa jaǧdai jasaidy.
Mäselen, №154 İ.Q.Mandoki atyndaǧy keleşek mektebınıŋ 10-synyp oquşysy Änuar Elisūly plastik bötelkelerdı qaita öŋdeuge arnalǧan qūrylǧy jasap şyǧardy. Būl jas önertapqyştyŋ injenerlık tapqyrlyǧymen qosa qorşaǧan ortaǧa degen qamqorlyǧyn körsetetın bıregei joba.
Änuardyŋ aituynşa, onyŋ būl jobasy mektebındegı STEM zerthanasynan bastau alǧan.
«Qūrylǧy qazırgı taŋda özektı bolyp tabylatyn ekologiialyq baǧytta jasaldy. Iаǧni, plastik qaldyqtardy qaita öŋdeu men paidaǧa asyrudy közdedım. Plastik bötelkelerdı 3D-da basyp, ekınşı ret paidalanuǧa jaramdy etpes būryn qaldyq plastiktı şikızatqa ainaldyru qajet. Men osy tūsqa basa nazar audaryp, qoqystan şikızat jasap şyǧardym. Öz käsıbımdı bastap, tapsyrystarmen jūmys jasaudamyn. Al osy joldyŋ bärı menıŋ mektebımdegı zerthanadan bastaldy», – deidı Änuar Elisūly.
Osylaişa, Keleşek mektepterı jahandyq ekologiialyq mäselelerge beijai qaramaityn innovatorlardy qalyptastyruda ülken alaŋǧa ainalyp otyr.
