Qazaqstanda «Ädılet» saiasi partiiasy qūru turaly şeşım qabyldandy. Astanada ötken partiianyŋ qūryltai sezıne 931 delegat qatysyp, dauys berdı. Sezd moderatory qazaqstandyq qoǧam qairatkerı, jurnalist Rauan Kenjehan boldy.
Sezd barysynda partiianyŋ baǧdarlamasy men jarǧysyn bekıtu boiynşa dauys beru öttı. «Ädılet» partiiasy öz qūndylyqtary retınde ädılettılık, patriotizm, jauapkerşılık, eŋbekqorlyq jäne damu qaǧidattaryn jariialady. Baǧdarlamada «Zaŋ men tärtıp» qaǧidaty ädılettılıktıŋ negızgı tıregı retınde körsetılgen.
Sezd barysynda partiia Qazaqstandaǧy kez kelgen adal eŋbektıŋ ädıl ärı laiyqty baǧalanuyna jaǧdai jasaudy maqsat etkenın habarlady.
Ūqsas jaŋalyqtar
