AQŞ bilıgınıŋ İrannyŋ äskeri tūrǧydan jeŋıldı degen resmi mälımdemelerı amerikalyq barlau qyzmetınıŋ derekterımen säikes kelmeidı. Barlau mälımetterıne süiensek, İslam Respublikasy el aumaǧyndaǧy mobildı ūşyru qondyrǧylarynyŋ şamamen 70%-yna älı de ielık etıp otyr jäne soǧysqa deiıngı zymyran arsenalynyŋ şamamen 70%-yn saqtap qalǧan. Būl turaly The New York Times jazdy, dep habarlaidy «Adyrna» tılşısı.
Atalǧan arsenalǧa öŋırdegı basqa elderge soqqy bere alatyn ballistikalyq zymyrandar da, sondai-aq qysqa qaşyqtyqtaǧy jerüstı jäne teŋız nysandaryna qoldanylatyn azdaǧan qanatty zymyrandar da kıredı.
«Eŋ alaŋdatatyn jaittardyŋ bırı — İrannyŋ Ormūz būǧazy boiyna ornalastyrylǧan 33 zymyran keşenınıŋ 30-yn qaitadan jauyngerlık daiyndyqqa keltırgenı turaly derekter. Būl AQŞ äskeri kemelerı men mūnai tankerlerı üşın qauıp töndıruı mümkın»,- delıngen habarlamapada
Äskeri barlau mälımetterınde İrannyŋ el aumaǧyndaǧy jer asty zymyran qoimalary men ūşyru qondyrǧylarynyŋ şamamen 90%-yna qaita qol jetkızgenı aitylǧan. Qazırgı baǧalau boiynşa olar ışınara nemese tolyq jauyngerlık daiyn küide tūr.
Osyǧan ūqsas derekterdı ötken aptada The Washington Post basylymy da keltırıp, İrannyŋ mobildı ūşyru qondyrǧylarynyŋ şamamen 75%-yn jäne soǧysqa deiıngı zymyran arsenalynyŋ 70%-yn qalpyna keltırgenın habarlaǧan.
Aita keteiık, būl derekter AQŞ prezidentı Donald Tramp pen Qorǧanys ministrı Pit Hegsetİrannyŋ äskeri äleuetı «joiyldy» nemese «endı qauıp töndırmeidı» degen mälımdemelerıne qaişy keledı.
