foto: bb.lv
AQŞ-tyŋ Federaldyq tergeu biurosy (FTB) İrannyŋ paidasyna tyŋşylyq jasady dep küdıkke ılıngen AQŞ Äue küşterı barlau bölımınıŋ būrynǧy qyzmetkerın ūstauǧa kömektesetın aqparat üşın 200 myŋ AQŞ dollary kölemınde syiaqy jariialady. Būl turaly CNN habarlady, dep jazady «Adyrna».
14 mamyr künı FTB 2019 jyly İrannyŋ müddesı üşın tyŋşylyq jasady dep aiyptalǧan AQŞ Äue küşterınıŋ būrynǧy barlau mamany Monika Uitttıŋ ornalasqan jerın anyqtap, ony ūstauǧa kömektesetın aqparat üşın 200 myŋ dollar syiaqy berıletının mälımdedı. FTB ony älı de İranǧa kömektesuı mümkın dep esepteidı.
Uitt AQŞ Äue küşterınıŋ Arnaiy tergeuler basqarmasynda qarsy barlau salasynda jūmys ıstegen. 2003–2008 jyldary ol Taiau Şyǧysta qyzmettık tapsyrmalardy oryndaǧan. Tergeuşılerdıŋ boljamynşa, däl sol kezeŋde ony İran barlau qyzmetı öz jaǧyna tartqan. Keiın ol İranǧa qūndy aqparat berıp, sonyŋ saldarynan amerikalyq barlauşylardyŋ bırınıŋ qauıpsızdıgıne qater töndırgen.
