Foto: Almaty äkımdıgı
Memleket basşysynyŋ atynan Almaty äkımı Darhan Satybaldy körnektı aqyn, jazuşy ärı qoǧam qairatkerı Oljas Süleimenovtı 90 jas mereitoiymen qūttyqtady. Būl turaly qala äkımdıgı mälımdedı, dep habarlaidy "Adyrna".
Qala äkımı oǧan ädebiet, mädeniet, qoǧamdyq oi-pıkır men antiiadrolyq qozǧalysty damytuǧa qosqan ölşeusız ülesı üşın qūrmet körsetıp, jürekjardy lebızın jetkızdı.
"Oljas Omarūly qazaq ädebietınıŋ kökjiegın keŋeitıp, poeziiaǧa jaŋa körkemdık tynys äkeldı. Sonymen qatar onyŋ bastamasymen qūrylǧan «Nevada-Semei» qozǧalysy iadrolyq synaqtarǧa qarsy älemdık kürestıŋ simvolyna ainalyp, Semei poligonynyŋ jabyluyna yqpal ettı", delıngen habarlamada.
Kezdesu soŋynda qala basşysy abyz aqsaqalǧa zor densaulyq, ūzaq ǧūmyr jäne otbasyna amandyq tıledı.
