Foto: @abat.kuatov_ / Instagram
Maŋǧystau oblysynda sirek kezdesetın jolaqty qorqau qasqyrǧa ūqsas januardyŋ suretı äleumettık jelılerde taralyp, köpşılıktıŋ qyzyǧuşylyǧyn tudyrdy. Fotony öŋır tūrǧyny Abat Quatov jariialaǧan. Surette januar kölıktıŋ aşyq jüksalǧyşynda bailauly jatqany körınedı, dep habarlaidy “Adyrna”.
Mamandardyŋ aituynşa, būl – jolaqty qorqau qasqyr boluy äbden mümkın. «ECO-SOCIAL» qoǧamdyq bırlestıgınıŋ atqaruşy direktory, ekolog Ädılbek Qozybaqovtyŋ sözınşe, mūndai januarlar Maŋǧystau aumaǧynda öte sirek kezdesedı.
«Maŋǧystauda şynymen bırneşe jūp qorqau mekendeuı mümkın. Mūny jan-jaqty zertteu kerek. Zertteu nätijelerı negızınde qorqaudy Maŋǧystau oblysynyŋ jäne jalpy Qazaqstannyŋ faunasyna engızıp, Qyzyl kıtapqa qosuǧa bolady. Sebebı, menıŋ bıluımşe, elımızdıŋ basqa aimaqtarynda ol kezdespeidı», - dedı Ädılbek Qozybaqov.
Sarapşynyŋ mälımetınşe, būǧan ūqsas oqiǧa şamamen 15 jyl būryn tırkelgen. Sol kezde de jergılıktı tūrǧyndar qorqaudy baiqaǧan.
Mamandar öŋırde dalalyq zertteu jūmystaryn küşeitıp, januarlar populiasiiasyna monitoring jürgızu kerek dep esepteidı.
Jolaqty qorqau – negızınen Taiau Şyǧys, Kavkaz, Ortalyq Aziia men Ündıstannyŋ qūrǧaq aimaqtarynda tırşılık etetın sirek jyrtqyş aŋ. Qazaqstan aumaǧynda ol öte sirek kezdesedı.
