Astanada Mädeniet jäne öner qyzmetkerlerı künıne arnalǧan saltanatty ıs-şara öttı. Oǧan QR Premer-ministrınıŋ orynbasary – Mädeniet jäne aqparat ministrı Aida Balaeva, QR Parlamentınıŋ deputattary, sondai-aq mädeniet jäne öner salasynyŋ qyzmetkerlerı qatysty.
Sala ökılderın käsıbi merekemen qūttyqtaǧan Ükımet basşysynyŋ orynbasary mädeniettıŋ qoǧamnyŋ ruhani damuynda jäne ūlttyq bıregeilıktı qalyptastyruda airyqşa oryn alatynyn atap öttı. Bügınde Qazaqstannyŋ mädeniet jäne öner salasynda 60 myŋǧa juyq adam eŋbek etedı. Keiıngı üş jylda mädeniet salasynyŋ 592 ökılı memlekettık nagradalarmen marapattaldy. Sonymen qatar Memleket basşysynyŋ atynan mädeniet jäne būqaralyq aqparat qūraldary qyzmetkerlerıne 331 päter sertifikaty tabystaldy. Osy oraida Aida Balaeva sala ökılderınıŋ atynan Memleket basşysyna otandyq mädeniettı damytuǧa körsetıp kele jatqan tūraqty qoldauy, erekşe nazary men qamqorlyǧy üşın alǧys bıldırdı.
«Memleket basşysynyŋ mädeniet salasyna airyqşa köŋıl böluı barşamyz üşın erekşe mänge ie. Prezidentımız jyl saiyn mädeniet jäne öner qyzmetkerlerın käsıbi merekemen qūttyqtap, salanyŋ üzdık ökılderın memlekettık nagradalarmen marapattap keledı. Bügın Memleket basşysy M. Gorkii atyndaǧy Memlekettık akademiialyq orys drama teatry men Rahmadiev atyndaǧy Memlekettık akademiialyq filarmoniiaǧa «Ūlttyq» märtebe beru turaly bastama köterdı. Būl – sızderdıŋ öner men mädeniet jolyndaǧy tynymsyz eŋbekterıŋızge, biık talǧamyŋyz ben şyǧarmaşylyq ızdenısterıŋızge berılgen asa joǧary baǧa, el ruhaniiatyna qosqan ölşeusız ülestıŋ jarqyn moiyndaluy. Osy tarihi ärı märtebelı şeşımmen ūjymdardy şyn jürekten qūttyqtaimyn», – dedı Premer-ministrdıŋ orynbasary.
Sondai-aq ıs-şara barysynda salada käsıbi eŋbektı moiyndau jüiesı däiektı türde damyp kele jatqany atap ötıldı. «Halyq ärtısı» qūrmettı ataǧy qaita bekıtılŋp, «Asyl mūra» jaŋa syilyǧy engızıldı. Memlekettık stipendiialardyŋ mölşerı ūlǧaityldy. Būǧan qosa, köp jyldan berı alǧaş ret muzykalyq bılım beru ūiymdary men memlekettık konserttık ūiymdarǧa muzykalyq aspaptar satyp aluǧa qarajat bölındı.
Saltanatty jiynda mädeniet jäne öner salasynyŋ 32 ökılı marapatqa ie boldy. Qazaqstan Respublikasy Prezidentınıŋ Jarlyǧymen 17 adam memlekettık nagradalarǧa ie boldy. Atap aitqanda, III därejelı «Barys» ordenımen teatr jäne kino aktrisasy, teatr pedagogı, professor Jūmagül Ömırzaqqyzy Meiramova, «Parasat» ordenımen änşı, kompozitor, Jüsıpbek Elebekov atyndaǧy Respublikalyq estrada-sirk kolledjınıŋ direktory Jeŋıs Seidullaūly marapattaldy. Sondai-aq teatr, muzyka, muzei, ǧylym, restavrasiia jäne konsert salalarynyŋ ökılderıne marapattar tabystaldy.
Taǧy 15 sala qyzmetkerı vedomstvolyq nagradalarmen marapattaldy. Olardyŋ qatarynda Aqmola oblysy Zerendı audandyq mädeniet üiınıŋ «Arqa äuenderı» halyqtyq folklorlyq ansamblınıŋ jetekşısı Talǧat İbraev, Bırlesken mūrajailar direksiiasynyŋ saqtau jäne konservasiialau bölımınıŋ ädıskerı Rahima Jaqsybaeva, sondai-aq öŋırlık mädeniet üilerı, muzeiler, teatrlar, filarmoniialar, şyǧarmaşylyq oqu oryndary men konserttık ūiymdardyŋ qyzmetkerlerı bar.
